Асосий мавзулар
3 январ 2020

«Қодирий тирик бўлганида бугун албатта қамаларди»

Ёзувчи Набижон Боқий ошкоралик сиёсати шарофати билан 80 йилларда Ўзбекистондаги КГБ архивларига киришга муваффақ бўлган эди. Айни ҳужжатлар асосида у Қодирий ва Чўлпонларнинг қатл этилишига Ғафур Ғулом, Ғайратий, Олим Шарофутдинов каби ёзувчилар чақуви сабаб бўлганига оид ҳужжатларни очиқлаган эди.

«Элтуз» нашрига берган интервьюсида 63 яшар адиб Набижон Боқий ўзининг «Қатлнома» китобига асос бўлган айни ҳужжатларни эслайди. Ўша пайтда «Муштум» журналида ишлаган Набижон Боқий Туркистон ойдинлари қисматига оид НКВД/КГБ ҳужжатларини ошкор қилиш ташаббусини таҳририят олдига қўяди.

«Мана Москва матбуотини ўқияпсиз. Нега улар ёзаяпти биз ёзмаяпмиз. Бизда ҳали ҳам «Муштум» колхоз раиси билан, отарчиларни танқид қилишдан нарига ўтмаяпти» дейди.

Шу тариқа журнал КГБ идорасига расмий хат билан мурожаат қилади. Сатирик журнал ходими саккиз ой давомида 1937-38 йиллар қатағонига оид архив ҳужжатларини ўрганади.

«Элтуз» мухбири шу ўринда, «Қодирийлар Шавкат Мирзиёевнинг туғилишини орзу қилган» дея президентни мақтаган ёзувчи Ибоҳим Ғафуров фикрига баҳо беришни сўради.

«Агар Қодирий тирик бўлганида эди ҳукуматни танқид қилгани учун қамаларди. У албатта фаол блогерлар тарафида бўларди. Шабнам Оллошукурова каби жиннихонага ташлашарди. Чунки у ўша пайтда тузумни танқид қилгани, Ўзбекистоннинг биринчи президенти Йўлдош Охунбобоевни, мамлакатнинг иккинчи рахбари Акмал Икромовларни ҳажв қилгани учун қамалганди», деди Набижон Боқий.

Набижон Боқий билан бўлиб ўтган суҳбатни «Элтуз»нинг ютуб каналида тингланг: https://youtu.be/qHWkazcIx7o

Eltuz.com

Тағин ўқинг
3 май 2021
3 май куни таниқли ҳуқуқ фаоли Суръат Икромов 76 ёшида Тошкентда вафот этди. У умрининг 20 йилини сиёсий ва ...
10 май 2021
Ўзбек бадиий киносига асос солган Йўлдош Аъзамов 1909 йилнинг 10 майида Сирдарёда туғилди. Йўлдош Аъзамов «Совкино», «Востоккино», «Ўзбекфильм»ларда ишлади, ...
31 октябр 2016
Бу йил ҳам Ўзбекистонда пахта теримига вояга етмаган болалар жалб этилгани қайд этилди. Бироқ ҳар сафаргидек ўзбек ҳукумати амалдорлари ...
24 сентябр 2020
Ўзбекистон, Сирдарё вилояти. Баъзи тўғонлар минг йиллаб хизмат қилади. Аммо Сардоба қурилганидан сўнг атиги уч йил ўтиб, 1 май ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...