Асосий мавзулар
20 январ 2020

Блогер Нафосат Оллошукурова Ўзбекистонни тарк этди

Шу йилнинг 18 январь куни ўзбекистонлик блогер 32 яшар Нафосат (Шабнам) Оллошукурова мамлакатни тарк этди.

“Элтуз” мухбири билан суҳбатда Оллошукурова МДҲ мамлакатларидан бирига етиб келганини, бундай чорани танлашга руҳий шифохонадан чиққанидан кейин ҳам унга нисбатан таъқиб тўхтамагани мажбур этганини билдирди.

Хавфсизлик нуқтаи назаридан “Элтуз” Оллошукурованинг қаерда эканлигини ошкор қилмайди.

Шабнам Оллошукурова руҳий шифохонада

Унинг тағин билдиришича, Соғлиқни сақлаш вазирлиги психиатри Левон Амбарцумов бошчилигида рўйхатдан ўтказиш баҳонасида уни яна олиб кетишга уч бора уриниш бўлган. Охирги марта уни олиб кетишга келишганида уйида бўлмагани учун улар мақсадида ета олмаган.

“Мени олиб кетгани келишганида кўчада бўлганман, ота-онам хабар берган, ярим тунгача уйга келмасдан кўчада қочиб юрганман”, дейди у “Элтуз” мухбири билан суҳбатда.

Нафосатнинг отаси Болтабой Оллошукуров ва эгизак қизлари

Ўзбекистонда ўтган сайлов арафасида Хоразмдаги руҳий шифохонага мажбуран ташланган ва уч ой ушлаб турилган блогер Нафосат Оллошукурова 28 декабрь куни у ердан чиқарилган, “махсус комиссия Оллошукурованинг бошқа даволанишга эҳтиёжи йўқ”, деб топган эди.

Оллошукурова 23 сентябрь куни адолат излаб Хоразмдан Тошкентга, ички ишлар вазири билан учрашиш учун пиёда йўлга чиққан шоир ва журналист Маҳмуд Ражабнинг ҳаракатларини ёритгани ортидан 10 кунга қамалганди. Қамоқ жазосини ўтагач, озод қилинмай, руҳий шифохонага ётқизилган блогер мамлакатда энг кўп қизиқиш билдирилган фигурага айланди.

Нафосат ёритган “Адолат юриши” ҳақидаги постер

Бош қароргоҳи Нью-Йоркда жойлашган Журналистларни ҳимоя қилиш ташкилоти, Amnesty international, Cotton Campaign каби халқаро ташкилотлар Нафосат Оллошукуровани озод этишни Ўзбекистон ҳукуматидан талаб қилиб чиқишган эди.

Мамлакатни тарк этишидан олдин Нафосат Оллошукурова “Ўзбекистонда сўз эркинлиги” мавзуида ўтган тадбирда қатнашиб, АҚШ элчиси Даниел Розенблюм билан учрашган эди.

Eltuz.com

Тағин ўқинг
25 июн 2020
Собиқ МХХ раҳбарияти топшириғи асосида Ўзбекистон қамоқхоналаридаги эликка яқин сиёсий ва диний маҳкумни ўлдиришда бевосита иштирок этган Тоймуроз Алимов ...
9 октябр 2020
Мана, гир этиб бир ҳафта ўтдию кетди. Ҳафта ичида қирғизлар ҳукуматни ағдаришга ҳам улгурди. Ўзбек мулозимлари эса ҳукумат хазинасини ўмаришда ...
22 апрел 2016
“Правда востока” газетаси Тошкентда миллий инновация тизими масаласида бўлиб ўтган илмий-амалий анжуманда хорижлик меҳмонлар ҳам иштирок этганини билдирди. Ана ...
10 май 2016
Бугун автомобил жанжали марказида қолаëтган Улуғбек (Бош вазир ўринбосари) билан бир муддат Ўзбекистон миллий банкида бирга ишлаганим боис Eltuz.com ...
Блоглар
2 март 2021
Бир оғайним қўққисдан мен ҳақимда даҳоларча башорат қилиб бундай деб қолди: Керак бўлса, минг фоиз ...
25 феврал 2021
Болалигимда мендан 5-6 ёш катта қўшни каптарвоз бола бўларди. Кўпинча каптарлари бизнинг ҳовлимизга учиб келиб ...
17 феврал 2021
Ҳали газга ўтилмаган ёнилғи сифатида фақат бензиндан фойдаланиладиган вақтлар эди. Бензин эса автомобилларга ёнилғи қуйиш ...