Асосий мавзулар
21 январ 2020

Блогер Шабнам журналист Бобожоновларга қарши чақув ëзишга мажбурланган

18 январь куни Ўзбекистонни тарк қилган 32 яшар блогер Нафосат Оллошукурова “Элтуз” мухбири билан суҳбатда унга қарши қийноқлар Муҳаммад Солиҳ, Дўстназар Худойназаров ва журналист Бобожоновларга қарши чақув ёздириб олиш учун бўлганини билдирди.

Шунингдек, у “Элтуз” мухбирига Соғлиқни сақлаш вазирлиги психиатри Левон Амбарцумов бошчилигида уни қайта руҳий шифохонага ётқизишга уриниш бўлгани, ўзбек расмийларининг айни ҳаракатлари уни мамлакатни тарк этишга мажбур этганини иддао қилди.

Ўзбекистонда ўтган сайлов арафасида Хоразмдаги руҳий шифохонага мажбуран ташланган ва уч ой ушлаб турилган блогер Нафосат Оллошукурова 28 декабрь куни у ердан чиқарилган, “махсус комиссия Оллошукурованинг бошқа даволанишга эҳтиёжи йўқ”, деб топган эди. Бироқ Нафосат Оллошукуровага кўра, уни қайтадан руҳий диспансерга ётқизишга уриниш давом этган.

Оллошукурова 23 сентябрь куни адолат излаб Хоразмдан Тошкентга, ички ишлар вазири билан учрашиш учун пиёда йўлга чиққан шоир ва журналист Маҳмуд Ражабнинг ҳаракатларини ёритгани ортидан 10 кунга қамалганди. Қамоқ жазосини ўтагач, озод қилинмай, руҳий шифохонага ётқизилган блогер мамлакатда энг кўп қизиқиш билдирилган фигурага айланганди. Нафосат айни фаолиятини давом эттириш ниятида эканини айтмоқда.

Бош қароргоҳи Нью-Йоркда жойлашган Журналистларни ҳимоя қилиш ташкилоти, Amnesty international, Cotton Campaign каби халқаро ташкилотлар Нафосат Оллошукуровани озод этишни Ўзбекистон ҳукуматидан талаб қилиб чиқишган эди.

Eltuz.com

Тағин ўқинг
3 июл 2017
1-июлдан Ўзбекистонда интернетга расмий руҳсатсиз клип қўйиш тақиқланди. Озодбек Назарбеков ёшлар каналига рахбар бўлди. “Камолот” ҳаракати тугатилди. “Ёшлар иттифоқи” ...
10 сентябр 2016
Ўзбекистонда Ислом Каримов ўлимидан сўнг ҳокимиятнинг Бош вазир томонидан қўпол тарзда узурпация қилиниши кузатилмоқда. Ўз муштумзўрлиги билан танилган Бош ...
21 май 2018
Андижон шаҳрининг сўконғич ҳокими Дилмурод Раҳматуллаевнинг тилини тушовлашнинг умуман имкони бўлмаяпти. Ўтган йили шундай феъли сабабли у суд қарори ...
18 ноябр 2016
Бугунги кунда Ўзбекистонда на президентликка номзодлар, на уларни қўллаётган партияларнинг ҳукуматга ёки бир-бирига сиёсий мухолиф эмаслигини кузатиш мумкин. Президент ...
Блоглар
13 апрел 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов эътиборни ...
11 апрел 2021
«From Me to You» (Мендан сенга) — Леннон ва Маккартни дуэти ижро қилган зариф бир ...
8 апрел 2021
2010 йил 7 апрель куни ўз қарорлари билан озиқ-овқат ва коммунал хизматлар учун нарх-навони мислсиз ...