Асосий мавзулар
18 май 2020

Ўлат пайтидаги зиëфат. Президент куëвининг туғилган куни нишонланди

Президент Мирзиёев қизининг эри, президент хавфсизлик хизмати раисининг биринчи ўринбосари Отабек Умаровнинг туғилган кунига атаб ўзбек шоу-бизнеси ва спорт юлдузлари лаганбардор қўшиқни куйлашди. 

Бу мақтов қўшиғи борасида тармоқ тенг иккига бўлинди. Бир гуруҳ “бундай лаганбардорлик ва шахсга сиғиниш холатига чек қўйилишини” талаб қилишди. Иккинчи гуруҳ эса “президентнинг куëви Ўзбекистонга фойда келтириб, обрўсини оширди”, дея Отабек Умаровни қўллаб-қувватламоқда.

Facebook ижтимоий тармоғидаги qora mergan деган саҳифада иддао қилинишича, Мирзиёевнинг куёвига 15 май куни 650 минг долларлик “Mercedes” автомобили совға қилинган.

“Туғилган кунида унга берилган совғалардан энг қиммати 650 минг долларлик “Mercedes-Benz Gelandewagen” автомобили бўлди. Уни “Тошкент ёғ-мой комбинати” (“Моя мечта”) акциядорлик жамияти (Салим Абдувалиевга тааллуқли компания) таъсисчилари совға қилишди”, дейилади хабарда.

Хабар давомида яна иддао қилинишича, қимматбаҳо автомобиль “Turkish Cargo” авиакомпаниясининг Истанбул-Тошкент йўналиши бўйича учган юк (карго) рейси (Airbus A330-243F учоғи Reg.TC-JOY No.6210 ISL) билан 15 майнинг ўзида олиб келинган. Унинг сирти ва салони махсус тюнингдан (қўшимча безакдан) чиқарилган. Автотюнинг ишлари дунёдаги энг машҳур ва қиммат “Philipp Plein” (Германия) дизайн уйи томонидан бажарилган.

Бироқ иддаоларнинг расмий тасдиғи “Элтуз”да йўқ.

Отабек Умаров бундан олдин БАА амири Ал Мақдум совға қилган Nissan GT-R35 машинаси билан боғлиқ жанжал марказида қолган эди.

Иддаоларга кўра, 2019 йилнинг 6 августида Отабек Умаровнинг машинаси уч одамни уриб юборган ва маъмурий ричаг воситасида ҳолат бости-бости қилинган.

Президент Мирзиëевнинг кенжа куëви, президент хавфсизлик хизмати бошлиғининг 1-ўринбосари Отабек Умаров ўтган йили ўзи бошқарган “Тесла” электромобилида соатига 200 км тезликда юргани ортидан танқидга сабаб бўлган эди. Бу танқидлар ортидан “пойгачи куëв” жаримага ҳам тортилганди.

Ўтган 2019 йилнинг сентябрида Нурмагомедов кимошди савдога қўйган футболка 100 минг долларга сотилган эди.

24 декабрь куни Russia Today телеканали 100 минг долларлик эски футболканинг эгаси Ўзбекистон президентининг кичик куëви, президент давлат хавфсизлик хизмати раҳбарларидан бири, Ўзбекистонда ноябрь ойида ташкил этилган ММА (Аралаш жанг санъати) ассоциацияси президенти Отабек Умаров бўлиб чиқди.

Лондондаги Шарқ ва Африка тадқиқотлари институти таҳлилчиси Алишер Илҳомов ҳатто Ўзбекистон жорий қонунчилиги ҳам мулозимнинг бундай совғани қабул қилишини тақиқлаши ҳақида ëзган эди:

«Нархи 100 минг доллар экани очиқланган бу майкани қайси пулига олган? Агар бу майкани, яъни кимошди савдода 100 минг долларга сотилган қиммат нарсани унга чиндан ҳам совға қилишган бўлса, бу унақасига айлантирсангиз ҳам, бунақасига айлантирсангиз ҳам пора олиш деб баҳоланади. Жиноят кодексининг 210-моддаси бўйича мансабдор шахснинг хизмат мавқеидан фойдаланиб моддий қийматли нарсани олиши пора олишдир. Айниқса, Ўзбекистон президенти хавфсизлик хизматининг юқори лавозимли мулозими, президент танасига энг яқин одамнинг аноним шахсдан 100 минг долларлик совғани олиши, исталган ҳуқуқшуносдан сўранг, пора олиш деб аталади.” 

Отабек Умаров давлат мулозимидир. Унинг хотини Шаҳноза Мирзиëева эса Мактабгача таълим вазирлиги бошқарма бошлиғи лавозимида. Ўзбекистон мулозимларининг дабдабали ҳаëти ва “оëғи ердан узилгани” ҳақида Умаровнинг қайнотаси, мамлакат президенти Мирзиëев кўп марта таъкидлаб келади.

Отабек Умаровни мақтаб қўшиқ айтган хонанда ва қўшиқчилар ҳозир қамоқда жазо ўтаëтган Гулнора Каримовани мақташ марафонининг асосий иштирокчилари бўлишган.

Eltuz.com

Тағин ўқинг
3 феврал 2016
Мустақил журналист Малохат Эшонқулова навбатдаги видеолавҳасида яқинда ўзбек турмасидан озод этилган маҳкум ҳуқуқ ҳимоячиси Ўктам Пардаевга микрофон тутади. “Ўзбек ...
27 апрел 2020
Хивада 1920 йилнинг 27 апрелида Хоразм Республикасини тузиш бўйича таъсис қурултойи бўлиб ўтди. Қурултойда кўп йиллардан буён «Хива» шаклида ишлатилиб ...
19 сентябр 2018
Беларусь президенти Александр Лукашенконинг Тошкентга қилган расмий ташрифи чоғи «Белсат-ТВ» студияси меҳмони бўлган Ўзбекистон-Германия инсон ҳуқуқлари форуми раҳбари Умида ...
13 январ 2016
Арман омбудсмани К. Андреасян Ўзбекистон Республикаси Олий Мажлиси Омбудсмани Улуғбек Муҳаммадиевга Ўзбекистонда ИШИДга алоқадорликда айбланаётган армани миллатига мансуб судланувчи ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...