Асосий мавзулар
10 август 2020

Бишкек суди Бобомурод Абдуллаевга эҳтиёт чораси сифатида 30 кун қамоқ белгилади

Бишкек шаҳрининг Биринчи май тумани суди 10 август куни эҳтиёт чораси сифатида ўзбек журналисти Бобомурод Абдуллаевни 8 сентябрга қадар қамоқда қолдиришга қарор чиқарди.

“Бизнинг имконимизда апелляция шикояти киритиш учун 5 кун муддат бор. Агар эътирозларимиз инобатга олинмаса, 30 кундан сўнг Бош прокуратура Абдуллаевни Ўзбекистонга экстрадиция қилишга қарор беради”, деди журналистнинг адвокати Темур Қорабоев “Элтуз” мухбирига.

Қирғизистонлик ҳуқуқ фаоли Толекен Исмоилованинг “Элтуз”га билдиришича, ўзбек журналисти Бобомурод Абдуллаевни икки нафар қирғиз адвокати ҳимоя қилмоқда.

“Ўзбек журналисти ҳимоясини Қирғизистондаги нуфузли “Адилет” ҳуқуқий клиникаси амалга оширмоқда.

Адвокатлардан бири Тимур Қорабоев Бобомурод Абдуллаев ҳибсга олинган 9 август куниёқ терговчилар билан учрашишга муваффақ бўлди”, дея билдирди Толекен Исмоилова.

Ўзбекистонлик журналист Бобомурод Абдуллаев жорий йилнинг 9 август кечаси Бишкек кафеларидан бирида Ўзбекистон Давлат хавфсизлик хизмати сўровига кўра қўлга олинган.

Журналист Бобомурод Абдуллаев унга Ўзбекистонда жиноят иши очилганини иддао қилмоқда. Унинг Бишкекдаги суд арафасида журналистларга айтишича, “Қора мерган” тахаллуси остидаги мақолаларни ёзганликда гумон қилиб Мирзо Улуғбек тумани суди 23 июль куни унга нисбатан “сиртдан айблов эълон қилиб бўлган”.

Маълумотларга кўра, жорий йилнинг февраль ойида Абдуллаев Қирғизистонга Марказий Осиёдаги Америка университети таклифи билан 4 ойлик ўқишга келган. Бироқ коронавирус карантини боис қолиб кетишга мажбур бўлган эди.

Журналист Бобомурод Абдуллаев 2017 йилнинг 27 сентябрида МХХ томонидан ҳибсга олиниб, ўз журналистик фаолияти учун тергов қилинган.

Судда у Усмон Ҳақназаров тахаллуси остидаги аксарият мақолалар муаллифи эканини тан олган, бироқ мақолаларда давлат тўнтаришига чақириқ бўлганини рад этган.

Шу билан бирга, у тергов давомида ўзига нисбатан қийноқ қўлланилганини қайд этган.

2018 йилнинг 7 майида жиноят ишлари бўйича Тошкент шаҳри суди Бобомурод Абдуллаевни Жиноят кодексининг 159- моддаси 1- қисми “б” бандида назарда тутилган жиноятни содир этганликда айбдор топиб, 3 йилга ахлоқ тузатиш ишларига жалб этиш жазоси тайинлаган ва суд залидан озод қилган эди.

eltuz.com

Тағин ўқинг
3 март 2016
Бугун трендга таҳорат олиш учун жамоатчилик хожатхоналарига қўйилган обдасталарнинг мусодара қилинаётгани ҳақида хабарлар чиқди. Рассом Элсевар ўзбек ҳукуматининг бозорлардаги ...
9 феврал 2018
ёхуд Туркияда эрга тегиб олаётган ўзбек аёллари ҳақида 35 ёшли Муслима Туркияга ишлагани бораётганида турмушга чиқишни орзу қилмаганди. Аввалига ...
30 август 2016
Кейинги уч кун ичида, Каримовнинг миясига қон қуйилгани ва ўлгани ҳақида Интернетда хабарлар пайдо бўлди, шу муносабат билан Чехиядан ...
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ вақт давом этган мустамлакасидан ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...