Document UZ
26 октябр 2020

Қашқадарё вилояти халқ таълими ходими рост хабарга нега ёлғон баёнот берди?

Кўраëтганингиз Афғонистон ëки Сомалидаги мактаб эмас. Бу 2020 йилнинг октябрь ойида ўзбек ўқувчилари таълим олаëтган мактаб.  Ижтимоий медианинг ўзбек сегментида аввалига бу мактабнинг расми, кейин эса видеоси тарқалди.

Видеода Чироқчи туманининг Олмазор қишлоғида жойлашган 61-мактаб ўқувчилари  хароб аҳволдаги бинода дарс ўтаëтгани акс этган. «Элтуз»га тақдим этилган видеода бешинчи ва еттинчи синфларга дарс ўтилаётган ҳолат тасвирланган.

Аммо ўзбек ижтимоий медиасини жунбушга келтирган бу видеога расмийлар қандай муносабат билдирди?

Қашқадарё вилояти халқ таълими бўлими ушбу видеони уюштирилган, дея баҳолади. Расмийлар ўз айбларини тан олиш ўрнига, “бу монтаж”, дея расмий баёнот беришди.

Баëнотга ва таҳририятимизга келган маълумотларга кўра, ўша дарс ўтилган хоналар чиқиндига тўла. Расмийларнинг айтишича, у ерга одам кирмаган.

Мулозимлар  дарс жараёнлари тўлиқ янги бинода ўтмоқда, дея иддао қилишди.

Қисқа вақт ичида мактаб директори янги мактаб биноси билан таништирган видео ютубда эълон қилди.

«Элтуз» мухбири дарс жараёни акс этган видео бўйича расмийлардан аниқ  маълумот ололмади. Мактаб раҳбарияти воқеа тафсилотлари билан ўртоқлашгиси келмади.

Шундан сўнг «Элтуз» мухбири Олмазор қишлоғи турғунлари билан боғланди.

Қишлоқ аҳолисининг «Элтуз» гаплашган вакилларига кўра, мактабнинг таъмирланган ерларида ҳам ҳали камчиликлар мавжуд. Бино битмаган. Болалар  эски бинода  ўқиган.

«Элтуз»га тақдим этилган кўраётганингиз видеода болаларнинг эски мактабда ўқиëтгани ўз тасдиғини топган.

Аммо нега Қашқадарё вилояти халқ таълими бошқармаси нотўғри маълумот берди? Жавобни Халқ таълими вазирлигидан кутамиз.

Бундан олдин «Элтуз» Энамяхши қишлоғидаги мактаб билан Тошкентдаги супер таъмирланган мактабни солиштириб видео қилган эди.

Билгичларнинг айтишича, Тошкентдаги 110-мактаб дунëдаги энг қиммат таъмир бўйича барча рекордларни ортда қолдирган.

7 юлдузли меҳмонхоналар ҳам орзу қиладиган унитазлар ўрнатилиб, италян мармари қопланган ҳожатхоналар ва бармоғинг билан силасанг гапирадиган смарт доскалар. Ақлли бўр ва олтин дурбинларда Марс сайëраси кўринадиган расадхона, планетариум.

Своровский жавоҳирлари билан безатилган қандиллар. Бирданига 200 бола чўмиладиган, Флоренциядан келтирилган мармар қопланган ҳовуз.

Мана бу эса Энамяхши қишлоғидаги мактаб. Ўзбекистондаги Энамяхши қабилидаги 10 мингта мактабга Алишер Бурхонич усулидаги битта ҳашаматли мактаб тўғри келади.

Яқинда собиқ депутат Қобил Дўсов таълим тизимини танқид қилгани учун халқ таълими вазири Шерматов тарафидан судга берилган эди.

Энди яна солиштирамиз. Бу Чироқчидаги мактаб. Мана бу эса Тошкентдаги. Иккаласи ҳам расман бир мақомда. Иккаласида ҳам Ўзбекистон ватандошлари ўқийди. Ўзбекистонда қашшоқ борадиган ва бойнинг боласи борадиган мактаб дея касталарга ажратиш қоидаси расман йўқ. Қолаверса, конституция бунга изн бермайди. Аммо амалда бунинг тескариси.

Ўзбекистон халқ таълими вазири жаноб Шерзод Шерматов, сиздан бу борада изоҳ сўраймиз.

Зеро, масала Ўзбекистондаги таълимнинг табақалашуви ва келажакдан маҳрум қилинган ëш авлод ҳақида бормоқда.

Eltuz.com

Тағин ўқинг
26 апрел 2018
Оҳак зарраларидан кўзлари шикастланган, давлат тўнтаришида айбланиб қамалган 28 ёшли тошкентлик блогер ва ёш олим Акром Малик ҳамон қамоқхона ...
20 апрел 2018
Президент Мирзиёев 18 апрелда имзолаган қарорга кўра, Ўзбекистонда амалдаги давлат рақамларини халқаро намунадаги рақамларга алмаштиришни кўзда тутувчи транспорт воситаларини ...
18 апрел 2022
Андижон вилоят, Избоскан тумани Луғумбек қишлоғидаги 25-мактабда география фани ўқитувчиси дарсга кеч қолиб келган 6-синф ўқувчисига 2 литр ариқ ...
14 апрел 2021
Навоий вилоятининг Хатирчи туманида 2021 йилнинг 2 февраль куни фермер Музаффар Муҳаммадиевнинг қабри очилди. 55 ёшли фермернинг жасади ўтган ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...