Асосий мавзулар
15 декабр 2020

Тузилажак партиянинг иккинчи йиғилишига ҳам тўсқинлик қилинди

1 октябрь куни ижтимоий тармоқларда Ўзбекистонда янги ташкил этилаётган «Ҳақиқат ва тараққиёт» партияси лидери Хидирназар Аллақуловнинг омма олдида чиқиши акс этган видео пайдо бўлди.

«Элтуз»га маълум бўлишича, воқеа Юнусободдаги ҳовлилардан бирида бўлиб ўтган. Аллақуловга кўра, у ерда партиянинг режаланган йиғилиши кимлигини очиқламаган расмий шахслар томонидан тўхтатилган.  

«Навбатдаги йиғилишимиз субъектив омиллар, ташқи кучлар томонидан барбод қилинди, уйда ўтказилган дастлабки йиғилишимизнинг барбод этилгани, ҳовлига белгиланган иккинчи йиғилишимизнинг ҳам барбод қилингани учун мен сизлардан узр сўрайман», деди маҳаллий блогер ва журналистлар қаршисида чиқиш қилган Аллақулов.  

Аллақуловнинг билдиришича, шу куни ички ишлар ходимлари партия ташаббус гуруҳи вакилларига, хусусан, хонанда Дадахон Ҳасан ва журналист Бахтиёр Каримнинг ҳам партия йиғилишида қатнашишига тўсқинлик қилишган.

Журналист Бахтиёр Каримнинг машинасини йўл-патруль хизмати ходимлари 2017 йилги қандайдир қоидабузарликни баҳона қилиб тўхтатишган, Дадахон Ҳасан эса Аллақуловга уни участка нозири ташқарига чиқмаслигини айтиб ушлаб ўтирганини айтган.

Жорий йилнинг 17 октябрида Ўзбекистоннинг турли вилоятларидан бир гуруҳ зиёлилар Тошкентда йиғилган. Бу йиғин “Ҳақиқат ва тараққиёт” социал демократик партияси таъсис мажлиси олдидан бўлиб ўтган эди.

Янги тузилиши режалаштирилаётган партия ташаббускорлари орасида журналист, ҳуқуқшунос, иқтисодчи, файласуф, генерал-майор, инсон ҳуқуқлари фаоллари бор.

Партиянинг таъсис мажлисини ўтказиш учун партия фаоллари сентябрь охирида президент номига ариза йўллади. Унда карантин шароитида санитария талаблари сақланган ҳолда партия йиғилишини ўтказиш учун рухсат сўралган.

Ташаббускорлар раҳбари сифатида кўрилаётган иқтисод фанлари доктори, профессор Хидирназар Аллақулов партия тузишда мамлакатда мавжуд қонунлар асосида ҳаракат қилаётганини таъкидлаб келади.

Eltuz.com

Тағин ўқинг
9 феврал 2016
9 феврал куни Швецияда таниқли уламо Обидхон қори Назаровга суиқасдда уринишда айбланган Юрий Жуковскийга чиқарилган ҳукмга нисбатан аппеляция маҳкамаси ...
5 август 2018
Рассом Elsevar Ўзбекистоннинг йўловчи-мижозларга хирапашшадай ёпишувчи таксичиларини ҳажв қилади. Рассом Элсевар 6 январь 2016 йил Eltuz.com
23 апрел 2019
«…воқеадан тахминан бир ҳафтача вақт ўтиб, «қора зона»лар чиғириқларидан ўтиб, “мужик”лигини йўқотмаган Эрих исмли йигит (лақаби “Немис”) ўша Гаррининг ...
23 май 2017
23 май куни Марказий Банк Бошқаруви раиси Муллажонов Файзулла Мақсуджонович 67 ёшида оламдан ўтди. 1950 йил Сирдарё вилоятида туғилган, ...
Блоглар
15 август 2022
Таниқли сиёсат арбоби ва шоир Мухаммад Солиҳ суҳбатининг давомида севимли аёли Ойдин хоним билан кечирган ...
10 август 2022
Таниқли сиёсат арбоби ва шоир Мухаммад Солих билан май ойида ўтказилган бу суҳбат бевосита Элтуз ...
20 июл 2022
Ўзбек халқи кимга, қайси режимга қарам бўлиб келган эдики, энди у ўзини озод, эркин миллат ...