Асосий мавзулар
1 июн 2021

Косонлик ўқитувчилар мажбурий югуртирилмоқда

Қашқадарёлик ўқитувчилар вилоят ҳокими топшириғи билан ҳар куни мажбурий марафонда қатнашаётганидан шикоят қилишмоқда. Косон тумани мактабларидан бирида ўқитувчилик қилувчи аёл аллақачон мактабларда таътил бошланганига қарамай, уларни юргуришга мажбурлашаётгани ҳақида «Элтуз»га хабар берди.

“Косон тумани халқ таълими бўлими бир ярим ойдан бери мажбурий марафон ўтказяпти. 25 май сўнгги қўнғироқ бўлди. Биз энди қутулдик десак, ҳали ҳам марафон тўхтамаяпти”, дея ёзди косонлик ўқитувчи аёл телеграм орқали «Элтуз»га йўллаган мурожаатида.

У биринчи июнь куни болаларини истироҳат боғига олиб бориб, салқин жойларда оилавий дам олишни режалагани, бироқ эрталабдан мактаб директори, жисмоний тарбия ўқитувчилари қўнғироқ қилиб, мажбурий чақиртириб олдиришганини айтади.

“Агар спорт тадбирида қатнашмайдиган бўлсам, ишдан бўшаш ҳақида ариза ёзишим керак экан”, дейди ўқитувчи аёл.

Унинг «Элтуз»га айтишича, марафон учун ўқитувчилар ва болалар юз минг сўмдан оқ кепка ва футболка сотиб олишга мажбур. Ота-оналар таътилдан кейин бу тадбирларга болаларини юбормай қўйишгани боис, энди фақат ўқитувчилар оқ футболка кийиб чиқишмоқда.

Ўқитувчининг сўзларига кўра, Косон туманида дастлаб апрель ойининг иккинчи ярмида бошланган соғломлаштириш марафони якшанба кунидан ташқари ҳар куни давом этмоқда, ўқитувчилар ҳар хил масофага югуртирилмоқда.

«Элтуз» муаммони ўрганиш учун Косон тумани халқ таълими бўлимига қўнғироқ қилди.

Косон ХТБ ходимасининг «Элтуз»га билдиришича, ўқитувчиларнинг муаммоси биргина спорт марафонида вақт йўқотиб, ҳар куни югуришдангина иборат эмас.

“Уларни, масалан, «Обод маҳалла» дастурига кирган маҳаллаларни ободонлаштириш ишларига ҳам муттасил мажбурий жалб қилишади. Лекин бу йил коронавирус пандемияси шарофати билан тумандаги иккита маҳаллага ҳашарга чиқиш тадбири бекор қилинди”, деди у.

Ҳар кунги спорт марафонига изоҳ бераркан, ХТБ ходимаси бу тадбирнинг Қашқадарё вилояти ҳокими Зойир Мирзаев буйруғига кўра, президент Мирзиёев ташаббуси билан ўтган йили бошланган “5 минг қадам юриш» дастури асосида ўтказилаётганини билдирди.

Eltuz.com

Тағин ўқинг
5 сентябр 2016
Ўзбекистон ичидаги журналистика яна бир бор навбатдаги синовдан ўта олмади. ТВси ҳам, газетаю журналлари ҳам ўта олмади. Ўзбекистонда президент ...
26 январ 2022
Ҳаммани аввал кулдириб, кейин йиғлатган атоқли ўзбек адиби, Ўзбекистонда хизмат кўрсатган маданият ходими, таниқли драматург, Ўзбекистон Ёзувчилар уюшмаси аъзоси ...
12 июл 2017
Андижонда ҳаво ҳарорати кўтарилган сайин одамлар фавворалар ёни ва сув бўйларига ўзини урмоқда, об ҳаво даражаси ҳақидаги расмий маълумотларга ...
5 сентябр 2023
Калининградда отбоқар бўлиб ишлайдиган Самандар исмли ўзбек вояга етмаган ўрис қизни олиб қочиб уйига обориб бойлаб қўйди. Қиз қутқарилди. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...