Асосий мавзулар
11 август 2021

Туркияда Хива бобо ёдгорлиги очилди

“Хива шаҳри – турк дунёси пойтахти” дастури доирасида Туркиянинг Невшеҳир вилояти ҳудудида жойлашган Ўртаҳисор ёки бошқа номи Кападокия шаҳарчасида 10 август куни Хива бобо ёдгорлиги ўрнатилди.

Туркияда Хива бобо (Hiba Dede) ёдгорлигининг очилиш маросими Ўзбекистон мустақиллигининг 30 йиллиги санасига бағишланди.

XII асрда Хоразмнинг Хива шаҳридан кўчиб келган ва шу ерларда дехкончилик маданияти ҳамда туркий тилнинг ривожига ҳисса қўшган 9 нафар оға-инига бағишлаб ўрнатилган Хива бобо ёдгорлигининг тантанали очилиш маросимида Хоразм театри ижодий жамоаси ва туризм бошқармаси вакиллари иштирок эдилар.

”Тадбирда қатнашаётганимиздан жудаям ҳурсандмиз. Бу бизга бошқача таъсир қиляпти. Чунки бизнинг ватандошимиз, бизнинг бобомиз ўз оға-инилари билан бир вақтлар шу Ўртаҳисор ерларида макон тутган экан ва, эшитишимизча, ўртаҳисорликлар ўзларини хоразмликларнинг авлодлари, деб ҳисоблашар экан”, дейди Хоразм театри ижодий гуруҳи раҳбари Динора Иброҳимова.

Маҳаллий халқ орасидаги нақлларга кўра, Ўртаҳисор аҳолиси аждодларининг илдизлари Хоразмнинг Хива кентига бориб тақалади.

XII асрда Марказий Осиёдан Онадўлига туркий қавмларнинг кўчиши кенг кузатилган бир даврда асли хивалик Хива бобо ўзининг саккиз укаси билан Ўртаҳисорга келиб қолиб, бу ерда табиий жараёнлар натижасида ҳосил бўлган ғорларни макон тутишган.

Кейинчалик улар атрофдаги ерларни ободонлаштириб, ҳозирги Ўртаҳисорни барпо этганлар.

Вақт ўтиши билан “Хива дада» қисман ўзгариб, «Хиба дада” шаклида талаффуз этила бошланган. Ўртаҳисорнинг бугунги кундаги аҳолисининг асосий қисми Хиба дада ва саккиз биродарининг авлодлари деб ишонилади.

Хива бобо ёдгорлигининг очилиш маросимида Хоразм тарихий манзаралари акс этган кўргазма ҳам ташкил қилинди. Тадбир доирасида хоразмлик меҳмонлар ўз қардошларига ватан бўлган Ўртаҳисорнинг диққатга сазовор тарихий жойларини зиёрат қилишди.

Eltuz.com

Тағин ўқинг
26 май 2017
«Оила ва жамият» газетаси (24.05) «Касбингизга садоқатлимисиз?» сарлавҳали мақолада марҳум президент Ислом Каримовга садиқлигини билдириб, ҳорижга чиқиб иш излаётган ...
8 апрел 2019
6 апрель куни Лондонда Ўзбекистон янги тарихининг турли даврларида сиёсатга турлича муносабатда бўлган зиддиятли олима Ширин Акинер 76 ёшида ...
20 май 2019
Олмалиқдаги 47-манзил колониясида сақланаётган 72 ёшли полковник, Чирчиқ шаҳридаги танк заводининг собиқ раҳбари Владимир Литвиненко “Элтуз”га берган интервьюсида уни ...
8 феврал 2018
Президент Мирзиёев чет эллик сайёҳларга мамлакат ҳудудида фотосурат олишга рухсат берувчи қарор чиқарди. 6 февраль куни имзоланган бу қарорга ...
Блоглар
22 сентябр 2021
Эрталаб болани мактабга қолдириб, пиёда ишга келаман. Қулоқда Шер аканинг “Аввалғиларға ўхшамас” қўшиғини қўйиб олиб… ...
14 сентябр 2021
«Ота-она билан бирга нонушта қилиш, неваралар қуршовида бўлиш, бир пиёла чой устида суҳбатлар... Сиз-чи, бугун ...
9 сентябр 2021
6 cентябрдан Ўзбекистон олий ўқув юртларида янги ўқув йили бошланди. Айни пайтда вилоятлардан пойтахтга келиб ...