Асосий мавзулар
27 апрел 2022

Хивада лазги фестивали бошланди

Хоразм вилоятининг Хива шаҳрида 25 апрел куни Лазги халқаро рақс фестивали бошланди. Дунёнинг 30 дан зиёд мамлакатларидан келаётган меҳмонлар минган учоқ Урганч аэропортига қўнаркан, жозибадор лазги рақси билан кутиб олинди.

Урганч қўналғасидан Элтуз мухбири жўнатган дастлабки видеоларда ажнабий меҳмонларнинг ҳам хоразмлик раққосалар билан бирга лазгига тушаётганини кўриш мумкин.

“Учоқ трапидан тушишимиз билан рақсга туша бошладик. Бу жозибани сўз билан изоҳлаш қийин. Ёрқин миллий либослар ва жозибадор рақс кўзни қамаштиради. Ҳақиқатан ҳам байрам жонли ва самимий бошланди” деди бахтли тасодиф туфайли фестивалда қатнашиш шарафига муяссар бўлганини Элтузга билдирган чет эллик меҳмонлардан бири.

Кейин меҳмонлар шарафига Хиванинг Ичон қалъаси дарвозаси тантанали очилди. Қадимий Хоразм пойтахтига келган меҳмонларнинг алифбо тартибида қалъага киришига «изн берилди».

Бу йил Хоразмда илк бор ўтаказилаётган Лазги фестивали Ўзбекистон Республикаси Президентининг 2020 йил 28 сентябрдаги ПҚ-4843-сон қарорига асосан ҳар икки йилда бир маротаба 25-30 апрел кунлари ўтказилиши режаланган.

Фестивал доирасида Халқаро илмий амалий конференцияси ва рақс танлови тадбирлари ўтказилади. Танловда 18 мамлакатдан 160 раққоса ва раққослар иштирок этади, санъаткорлар маҳоратини 6 давлатдан келган ҳакамлар ҳайъати баҳолайди. Танлов ғолиблари турли эсдалик ва пул мукофотлари билан тақдирланади.

Фестиваль доирасида фаол ижрочиларни қўллаб-қувватлаш ва рағбатлантириш мақсадида таъсис этилган «Энг яхши рақс», «Энг яхши хореограф», «Энг яхши ёш раққоса (раққос)» каби номинациялар бўйича иштирокчилар рағбатлантирувчи совға ва мукофотлар билан тақдирланади, дейди фестивални  кузатаётган Элтуз мухбири.

Формат¸ мафкура¸ тил ўзгарди аммо Лазги ўзгармай бизгача етиб келди. Лазги коди Да Винчи кодидан ҳам қадимий. Бу код тўрт рақам ва икки харфдан иборат. Бу кодни уйида минг йиллик карвучдан терилган қудуғи бўлган хоразмлик билади. Хивадаги Лазги фестивали эса 30 апрелга қадар давом этади.

Eltuz.com

Тағин ўқинг
21 декабр 2020
Линн Швейсфурт Ўзбекистон пахта саноатида болалар ва катталар мажбурий меҳнати бўйича ўтказилган 10 йиллик мониторинг ва ҳисоботлардан сўнг мамлакат ...
30 июл 2019
Карлови Вари ўзбек амалдорлари ва уларнинг бандитлари учун севимли маскан. 2015 йилнинг ёзи иссиқ келди. Собиқ бош ўзбек менти ...
19 сентябр 2016
Шавкат Мирзиёевнинг давлат тепасига келиши ортидан одамлар халқ оғзаки ижоди шаклида видео, ҳажвий суратлар билан бирга шеърлар ҳам ёза ...
2 апрел 2016
Бу албатта бир хазил мактуб, масаланинг жиддий томони, «VimpelCom” чиндан ҳам фейк-ҳисоботлар учун Гибралтарда рўйхатга олинган Гулнора Каримованинг банк ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...