Асосий мавзулар
10 январ 2023

Давлатга «ҳиёнат қилган» зам.ҳоким нега қамоқдан қўйворилди?

Расман тасдиқланмаган хабарга кўра, етти ярим йилга йилга қамалган Жиззах замҳокими ва шериклари муддатидан олдин шартли озод қилинган.

(Агар бу маълумот нотўғри бўлса, ГУИН яъни – Жазони ижро этиш бош бошқармаси раддия бериши мумкин)

2021 йилнинг декабрида Жиноят ишлари бўйича Тошкент вилояти суди Жиззах вилояти ҳокимининг собиқ ўринбосари Акрам Раҳмонқулов ва унинг шериклари иши юзасидан ҳукм ўқиган эди.

Ўзбекистон Олий суди матбуот хизмати тарқатган маълумотга мувофиқ, суд собиқ замҳоким Акрам Раҳмонқуловни мамлакат Жиноят кодексининг еттита моддаси бир қанча бандларида назарда тутилган жиноятларни содир қилганликда айбдор деб топиб, унга нисбатан 7 йилу 6 ой озодликдан маҳрум қилиш жазоси ҳамда базавий ҳисоблаш миқдорининг 500 баравари миқдорида (111 миллион 500 минг сўм) жарима жазоси тайинланган эди. Шунингдек, у “2 йил муддатга мансабдорлик ва моддий жавобгарлик лавозимларида ишлаш ҳуқуқидан маҳрум” қилинган. Мазкур иш юзасидан қолган 26 нафар судланувчига нисбатан эса турли миқдордаги жарима жазолари қўлланилган.

2021 йилнинг 10 январь куни Жиззах шаҳрининг “Зилол” маҳалласи Мустақиллик кўчасида қурилаётган 6 қаватли уйлардан бири ҳеч бир ташқи таъсир ёки табиий офат оқибатисиз қулаб тушган, ҳодисани ўрганган ҳукумат комиссияси бу ишда жавобгарликни Жиззах вилояти ҳокимининг қурилиш бўйича ўринбосарига юклаган эди.

Президент Шавкат Мирзиёев 2021 йилнинг 15 январь куни Тошкентнинг Юнусобод туманига ташрифи чоғида Жиззахда кўп қаватли уй қулаши учун жавобгар бўлган ҳоким ўринбосари ва унинг командаси “президент сиёсатига хиёнат қилгани” ва жавобгарликка тортилишини айтган. Президент Бош прокурор Ниғматилла Йўлдошевга вазиятни назоратга олиш ва уларга нисбатан чора кўриш ҳақида кўрсатма берган эди.

Мазкур иш билан шуғулланган Бош прокурор 2021 йил апрелида “терговда Раҳмонқуловга тегишли корхоналарда 12 млрд сўм, Жиззах шаҳридаги Эски шаҳар буюм бозорида қурилган 172 та савдо дўкони, кўп қаватли уйларда 14 та хонадон, 43 та автомашина, 37 та бошқа кўчмас мулклар борлиги аниқланиб, зарарни ундириш учун хатланди. Ҳозирда Раҳмонқулов ва унинг 10 нафар жиноий шериклари қамоққа олинган, тергов ҳаракатлари олиб борилмоқда”, дея баёнот берган эди.
Аснода, шунча жиноят қилган замҳоким икки йилда чиқиб келадими? Давлатга ва президентга хиëнат қилди, деган гапларнинг залвори қани? деган саволлар туғилади. Ўз навбатида Элтуз бу саволларнинг жавобини қидиради ва бу юзадан томонларнинг муносабатини кутади. Бизни кузатиб боринг. Каналларимизга обуна бўлишни унутманг.

@eltuz

Тағин ўқинг
2 ноябр 2015
2015 йилнинг 8 – 9 июля Женевада Инсон ҳуқуқлари бўйича БМТ Қўмитасининг кенгаши бўлиб ўтди, унда Ўзбекистондаги вазият муҳокама ...
20 июн 2016
Кам таъминланмаган хонадон қолмаган Шибзон маҳалласи ҳақида ёзган «Қишлоқ ҳаёти» газетасини синчиклаб қайта ўқиган одам, ўз томорқасига тезак олиб ...
8 сентябр 2016
8 сентябр кунги Сенат мажлисида Ўзбекистон республикаси Бош вазири Шавкат Мирзиёев вақтинча президент вазифасини бажарувчи этиб тайинланди. Россиянинг Интерфакс ...
16 сентябр 2019
Сорри, албатта, бироқ мен прогрессив Президентимизнинг кечаги фармонини тушунмадим. Нимага тўй индустриясини бузиш керак? Ҳозир тўй анъаналаридан, айниқса, бадавлат ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...