Асосий мавзулар
14 июн 2024

Зомби теледаббалар қўлидаги Тошкентнинг калити

Рус шовинист ашулачиси Олег Газманов ўзининг “Рус дунёси” дея аталган янги қўшиғида собиқ совет мамлакатларига танкларда кириб бориш билан таҳдид солмоқда. Путин нутқидан узуқ юлуқ кўчирилган жумлалар асос қилиб олинган қўшиқда, татар, чечен, бошқирд, бурят, ингуш, еврейлар ҳам рус дунёсидан экани иддао қилинади.  Бу ҳақда изох ёзган ўзбекистонлик мустақил таҳлилчи Юлий Юсупов, рус миллатчиси чиранишларини учинчи рейх давридаги нацизм оҳанглари билан таққослади.

“Мен бу зомби теледаббалар ўзларини ўтган асрнинг 30 йилларидаги германия нацистларига ўхшатишдан ор қилмай қўйишганини пайқадим. Илгари улар ўзларини бундай тутишга тортинишар, чунки буни уят деб билишарди, аммо энди улар кибр билан: «ҳа, биз шунақамиз» дея барала хитоб қилишмоқда.

Кўринишидан, бу зомбодебилизациянинг янги босқичи. Демак, «боболаримиз» нотўғри курашишган ва ҳукумат кўзлаган «денацификация» мақсади ҳам ёлғон. Бироқ, зомбодебилларнинг ирғишлаб куйлаган сўзларидаги мантиқий қарама-қаршиликларни уларга эслатиш ҳам бефойда. Улар биз нима ҳақда гапираётганимизни ҳатто тушунмишмайди ҳам” дея ёзди Юлий Юсупов.

Газманов Россияда оммалашган янги қўшиғида грузин, армани, яхудий ва ҳатто африкаликлар юртида ҳам ўрис дунёси борлиги ҳақида куйлайди. Қўшиқ бошдан оёқ, миллатчилик ва фашизм билан суғорилган, “Ким бизни хафа қилса, кўрадиганини кўради, ўзимизникиларни ёлғиз ташлаб қўймаймиз, қайси гўода бўлса ҳам қидириб топиб, борамиз зирхли танкларда. Биз зўрмиз, биз ғолибмиз, дунёда бизга тенг келадигани йўқ” деган биқиқ ғоялардан иборат.

“Шундай қилиб, пропагандон қўшиқчи, Газманов тарғиботчиси, дебилизаторда эшитган аҳмоқона нарсаларини ўртамиёна қофиялаб, Гитлернинг шиорларини такрорлашдан тортинмайди ва «учинчи рейх» иборасини «рус дунёси» билан алмаштиради.  “Дунёдаги энг зўр мамлакатда” яшаётгани ва “юртдошларни аллакимлардан ҳимоя қилиш”,  “буюк” Россияни ўзининг собиқ “тарихий” чегараларига қайтаришни мақсад қилганидан ҳурсандлигини айтиб чиранади. Собиқ Совет республикаларига эса танклар билан кириб боришини айтиб таҳдид қилади.

Умуман бу қўшиқдан руҳланган маҳаллий зомби теледаббалар ҳам Тошкент калитини ўзларининг севган фюрерларига тиз чўкиб совға қилишни аллазамонлардан буён орзиқиб кутишмоқда” дея киноя қилади Юлий Юсупов.

Элтуз Ўзбекистонга кўз олайтираётган рус дунёси вакиллари нағмаларига оид воқеаларни ёритишда давом этади. Каналимизга обуна бўлинг. Видеоларимизга лайк босинг.

Тағин ўқинг
25 феврал 2024
Бугун ўзбекистонлик профессор олим ва мухолифат арбоби Ботир Норбоев вафот этган кун. У 2019 йилнинг 24 февраль куни 72 ...
28 январ 2017
Мустақил ўзбек публицисти Шуҳрат Саломов Армани ва Озарбайжон жамиятининг ўзаро миллий зиддиятлари остида қолди. 24 январ куни ўтган асрларда ...
28 феврал 2022
27-февралдан 28 февралга ўтар кечаси Вена шаҳар майдони намойишчилар билан тўлди. Улар Украинани қўллаб қувватлашмоқда. Тарихий биноларда Украина байроғи ...
26 апрел 2022
Тошкентдаги Коррупцияга қарши кураш агентлиги биноси ҳовлиси деворида 26 апрел куни Ўзбекистондаги коррупция ҳажв қилинган янги расм пайдо бўлди. ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...