Асосий мавзулар
18 июн 2024

Бағдодлик фермернинг ери аукционда қандай сотилди?

40 ёшли Элёр Имомов “Ҳожиакбар Ҳожимурод боғи” фермер хўжалиги раҳбари. Фарғона вилояти Бағдод туманининг чўл ҳудудида 2017 йилдан буён фермерлик қилади. Унинг 36,6 гектар ери бор.

У доимо ҳокимият томонидан берилган вазифаларни тўлиқ уддалайди ва ҳар бир ишни уларнинг йўл йўриқлари билан бажаришга одатланган.

Жудаям намунали фермер бўлса муаммоси нимада деб савол беришингиз мумкин?!

Муаммо шундаки, яхшиси уни ўзи гапириб бера қолсин.

2023 йили аукционда ютиб олдим деб, икки одам олдимга келди.
Мен еримни туман заҳирасига қайтариш бўйича ариза ёзмаганман деб, уларни далага киритмадим. Бу воқеа 2023 йилнинг июль ойларида бўлган эди. Ҳозир ҳам аукционда ютиб олганлар тез тез безовта қилиб туришибди.

Элёр ҳозирги кунгача аукционда ютиб олган шахслар билан судлашиб юрганлигини айтмоқда.

Унда фермернинг ери аукционга қандай чиқиб кетиб қолди?

Авваллари (тахминан 5-6 йил олдин) биз қишлоқ хўжалик бўлимига оқ қоғозга печать босиб, қўл қўйиб бериб келаверардик. Улар банкка, турли идораларга, солиққа бизнинг номимиздан ариза, хат қилиб киритиб, биз ҳисобда ишимизни ҳам енгиллатиб беришарди.

Кимдир катта эҳтимол билан Бағдод тумани қишлоқ хўжалик бўлими ходимларидан бири мен қўл қўйиб, печать босган оқ қоғозга менинг номимдан 6 гектар еримни туман заҳирасига олиш тўғрисида ариза ёзиб берган. Ўша аризани кўрдим. Ёзув меники эмас. Кимдир ёзган. Судга бу ёзувни ҳам тақдим этганмиз.

Экспертлар бу ёзувнинг меники эмаслиги ҳақида хулоса беришган, дейди фермер.

Айни кунларда Бағдод тумани қишлоқ хўжалиги бўлими ходимлари ўзгариб кетган. Фермер бу ишни қайси мутахассис қилганлигини билмайди.

Фақатгина у ери ноқонуний аукционга чиқиб кетганлигини айтмоқда холос.

Элтуз Бағдодлик фермернинг айни муаммолари юзасидан келгусида расмийлар муносабати ва қарама қарши томонлар фикрига ҳам ўрин беришга тайёр.

Тағин ўқинг
25 май 2017
24 май куни “Яланғоч ота” қабристонига кўмилган Марказий Банк Бошқаруви раиси 67 яшар Файзулла Муллажонов ўзбек сўмини конвертация қилишга ...
25 март 2020
Ўзбекистонда коронавирус инфекциясини юқтириб олганлар аниқлангани ортидан карантин жорий қилиниши муносабати билан ижтимоий тармоқларда вирусга қарши челленж бошланиб кетди. ...
21 сентябр 2020
Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, тўдалашиб томоша қилиб видеога ...
17 октябр 2015
Малоҳат Эшонқулова Мустақил журналист, Eltuz.com 5 сентябрь, 2015 йил. Тунги соат 24.30. Эшик тақиллади. Қарасам, Урлаева. “ортимдаги айғоқчиларим дам ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...