X-Factor ҳаками нега соқолини олдирди?

X-Factor шоу дастурининг 9 декабр кунги учинчи жонли эфирида соқолда пайдо бўлган уч ҳакамнинг бири, реппер Шаҳриёр биринчи реклама танаффусидан сўнг соқоли олинган алфозда кўринди.

Шаҳриёр нима сабабдан эфир пайти соқолини олдиргани маълум эмас. Тепадан соқолини олиш бўйича топшириқ келдими, ё у эфирга шошилиб соқолини олишга улгурмаганми, бу нарса қоронғу.

Лекин, Ўзбекистонда соқолга тақиқ телевидениеда ҳам борлиги бор гап.

Ўзбекистоннинг энг машҳур қўшиқчиларидан бири Санжай соқоли туфайли давлат телевидениеси ва саҳнага чиқиши тақиқлангани ҳақида президент Шавкат Мирзиёевга шикоят қилган эди.

“Концерт фаолияти учун расмий лицензия олган бўлсам-да,  телевидениега чиқишимга рухсат берилмаяпти ва сабаби соқолим эканлигини айтишди”, деган эди Санжей ўзининг Youtubeдаги саҳифасида.

Аммо Сан Жейнинг айтишича,  унинг Ўзбекистондаги фаолияти асосан кичик хусусий тадбирларда чиқишга айланган,  чунки Ўзбекистон расмийлари юзидаги туклар билан уни ҳеч қандай давлат ёки оммавий томоша ва йиғилишларга киритмасликларини аниқ айтишган.

Бироқ қўшиқчи соқолини олдирмаслигини таъкидлаган.

Ўзбекистонда соқол диний радикализм белгиси сифатида хавфсизлик хизматлари диққат марказида бўлиб келиши айтилади. Элтуз ўзининг кундалик кўрсатувларини давом эттиради. Бу вақтга келиб Элтузнинг ютубдаги канали обуначилари сони 700 мингдан ошди. Каналимизга обуна бўлинг. Видеоларимизга лайк босишни унутманг.