Асосий мавзулар
25 май 2020

25 май – Йўқолган болалар халқаро куни

2010 йилда 25 май санаси National Center for Missing and Exploited Childrenэ – NCMEC ташкилоти ташаббуси билан Йўқолган болалар халқаро куни сифатида белгиланган.

Болалар жамиятнинг энг ҳимояга муҳтож, энг заиф қатлами саналади. Одам савдоси ва инсон аъзолари ноқонуний трансплантацияси билан боғлиқ жиноят болаларни ҳам ўз домига тортаётгани эса энг даҳшатли ҳодисадир.

Ўзбекистонда болалар йўқолмайдими?

Шу пайтгача Ўзбекистонда йўқолган болалар сони тўғрисида расмий маълумотлар йўқ. Ўзбек матбуотида бола йўқолганига оид эълон берилгач, боланинг кейинги тақдирини суриштириш анъанаси ҳам тажрибада деярли қўлланилмайди.

Бироқ кейинги кунларда болаларнинг йўқолиши ва ундан ҳам даҳшатли воқеалар тез-тез қулоққа чалинмоқда. Масалан, 2018 йилнинг мартида Қувасой ички ишлар бўлими 2 яшар Муҳаммадсодиқ Нўъмонжоновнинг йўқолгани ҳақида хабар берган эди.

2019 йилнинг февралида эса Фарғона вилоятининг Олтиариқ туманида 5 яшар Кибриёхон исмли қизча ўғирланган, кейинчалик унинг жонсиз жасади у борадиган боғчадан 8 километр наридаги Оқбўйра қишлоғидан топилган эди.

rasm1472Интернетдаги қидирув тизимлари орқали шундай эълонларнинг бири 2016 йилнинг 10 апрелида чоп этилган экан.

DIQQAT, OGOH BO’LING!!! Hurmatli do’stlar, sizlar quyida ko’rib turgan shiringina qizaloq Andijon viloyati Asaka shfhrida istiqomat qilar edi. Endigina 1-sinfga qadam qo’ygan edi. Kimlardir tomonidan o’g’irlab ketilgan yoki bedarak yo’qolgan. Kimda kim shu qizaloqni ko’rgan yoki qanaqadir shunga o’shash ma’lumotga ega bo’lsa, rasm tagidagi telefon raqamiga yoki yaqin o’rtadagi ichki ishlar bo’limiga xabar berishlari so’raladi. Qadrdonlar bir birimizga e’tiborli bo’laylik, zero har bir bola bizning farzandlarimiz, bizning kelajagimiz. (фото)

Бу қизалоқ ҳақида деярли барча ижтимоий тармоқларда хабар тарқалди.

Бироқ Асака шаҳридаги 55-мактабининг 1-синфда таълим олган ва 6 апрель куни мактабдан чиқиб кетиб уйига бормаган Ёқутхон Рустамжонованинг тақдири ҳалигача номаълум.

2015 йилнинг сентябрь ойида эса Eltuz.com Андижон вилоятининг Марҳамат туманида икки нафар 1-синф ўқувчиси “Нексия” автомобилида олиб қочиб кетилганлигини хабар қилган эди.

Шунингдек, 2015 йилнинг март ойида Андижон вилояти Шаҳрихон туманида 8 яшар Нодирбек Йўлдошев бедарак йўқолгани ҳақида хабар тарқалганди.

Тошкент вилоятининг Чирчиқ шаҳрида ҳам Шоҳрўз исмли бола йўқолиб қолганлиги  ҳақида “Озодлик” радиоси ички ишлар бошқармасидан иқтибос келтириб хабар берди.

rasm718
Eltuz.com нашри илгари ҳам ўз болаларини сотишга уриниш иллатини қоралаб чиққан эди.

Қарши шаҳрида истиқомат қилувчи икки ёшли Сўғдиёна Салимова ҳам йўқолган болалар рўйхатига тушган.

Бундан ташқари, Тошкент шаҳрининг Сергели даҳасида ҳам йўқолган бола ҳақидаги маълумотлар  ижтимоий тармоқларда кўп баҳс-мунозарага сабаб бўлди.

Бухоронинг Когон туманида 11 яшар қизалоқнинг жасади топилганлиги ҳақида ҳам хабарлар берилган.

Бу ҳодиса Бухорода “болаларни ички аъзоларини олиб-сотиш билан шуғулланувчи жиноий тўда пайдо бўлганлиги ҳақида”ги миш-мишлар тарқалишига сабаб бўлган.

Булар кейинги икки-уч йилда Ўзбекистонда йўқолган болалар ҳақидаги ижтимоий тармоқда пайдо бўлган хабарларнинг айримлари, холос. Биз Ўзбекистонда йўқолган болаларнинг кейинги тақдири ҳақида ҳеч нарса билмаймиз, аслида мамлакатда йўқолган ва йўқолаётган болалар сони бундан ҳам кўп бўлиши мумкин.

Насима Даврон қизи >
Eltuz.com

Тағин ўқинг
18 май 2018
Президент Мирзиёевнинг умр йўлдоши Зироатхон Ҳошимованинг Вашингтондаги Оқ уйда тушган фотосуратлари ижтимоий тармоқларда тарқалди. Улардан бирида Ўзбекистоннинг биринчи хоними ...
25 феврал 2016
Агар Навоий тирик бўлганида бугунги ўзбек кинолари ҳақида нима дер эди. Ҳар ҳолда тасанно айтмаган бўлар эди. Масалан Ўзбекистонлик ...
24 апрел 2020
15 апрель куни Германиянинг Шимолий Рейн-Вестфалия бўлгасида тўрт нафар тожикистонлик ИШИДга алоқадорликда айбланиб қўлга олинган. Бундан олдин бу экстремистик ...
3 июн 2020
Ўтган йилнинг январида ЖССТ (Жаҳон соғлиқни сақлаш ташкилоти) Пекиннинг коронавирус тарқалишига бўлган тезкор муносабатини олқишлаётган пайтда Хитой расмийларининг хатти-ҳаракатлари ...
Блоглар
23 сентябр 2020
Шуҳрат Қаюмов мен таниган, мен мулоқотда бўлган санъаткорларнинг энг яхшиси, маданиятлиси эди. У киши билан ...
21 сентябр 2020
Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, ...
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...