Асосий мавзулар
10 октябр 2016

Мирзиёевнинг фармони ҳайбаракаллачи депутатларни фаоллаштирди

Ўзбекистон президенти вазифасини бажарувчи Шавкат Мирзиёевнинг «Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатдан яхшилашга доир қўшимча чора-тадбирлар тўғрисида»ги фармони бу борадаги қуруқ гап-сўзларнинг янги тўлқинини бошлаб берди.

Ўзбекистондаги барча нашрлар мазкур фармонга турли тоифадаги кишилар муносабатларини эълон қилишга тушиб кетди.

Фармоннинг «муҳим аҳамияти», унинг тадбиркорлик фаолиятини «дунё мезонлари бўйича ривожлантиришга замин яратиши» айтилмоқда.

Ҳар доимгидек, фармонга муносабат билдиришга парламент депутатлари жуда фаоллиги сезилиб турибди. Деярли ҳар бир газетада бирорта депутатнинг бу борадаги мақоласини ўқиш мумкин.

Хусусан, «Адолат» газетаси (07.10) орқали чиқиш қилган «Адолат» СДПнинг Қонунчилик палатасидаги фракцияси аъзоси Қодир Жўраев фармонни шарҳлар экан: «…депутатлар ушбу фармон мазмун-моҳиятини кенг жамоатчиликка етказишда, унда белгиланган кенг кўламли чора-тадбир ва устувор йўналишларни рўёбга чиқаришда ниҳоятда ташаббускор ва фаол бўлиши талаб этилиши»ни таъкидлайди.

Депутатнинг ХДП фракциясидан бўлган ҳамкасби Ёқуб Умаров эса «Ўзбекистон овози» газетасидаги (08.10) чиқишида бу фармондан «ўроқда йўқ, машоқда йўқ, хирмонда ҳозир» партиясининг манфаатлари йўлида фойдаланиб қолишга ҳаракат қилади.

«…мазкур фармон партиямиз сайловолди дастурида белгиланган қатор вазифалар амалга ошишига, ўз ишини йўлга қўйиш ниятидаги электоратимиз вакилларининг интилишини янада кучайтиришга хизмат қилади», дейди собиқ коммунистик партия меросхўри бўлган депутат.

Юқорида тилга олганимиз каби фармонлар Ислом Каримов даврида ҳам беҳисоб чиқарилган. Депутатлар ҳам уларни «тарихий ҳужжат» дея баҳолаб, сон-саноқсиз чиқишлар қилган. Лекин бу «тарихий ҳужжатлар» сувга тушган тошдек йўқолиб, фақат қоғозда қолиб кетгани бугун ҳеч кимга сир эмас.

Ҳа айтганча, янги фармон баҳонасида эълон қилинган чиқишлар эски «тарихий ҳужжатлар» чиққан вақтда чоп этилган муносабатларнинг айнан ўзидир. Фақат бунда фармоннинг номи ўзгарган, холос…

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
15 ноябр 2018
Ўзбекистонда баъзан «ютуб», баъзан «фейсбук» каналлари узилишидан шикоятлар ортмоқда. 15 ноябрь куни «Элтуз» нашри Downdetector сайти орқали «ютуб» каналидаги ...
19 октябр 2017
Франциянинг Mediapart интернет нашри томонидан қўлга киритилган ва European Investigative Collaborations (EIC) консорциумидаги ҳамкасбларига тақдим этилган махфий маълумотлар Ўзбекистоннинг ...
26 феврал 2019
26 февраль куни «Ўзбекконцерт» давлат муассасаси «лицензия талаблари ва шартлари қўпол равишда бузилгани, миллий урф-одатлар, одоб-ахлоқ, маънавий қадриятларга ёт ...
19 ноябр 2018
Шотландиянинг The Herald газетаси Ўзбекистоннинг йирик компаниялари устидан ўз назоратини ўрнатаётган сирли фирма ҳақидаги навбатдаги суриштирувини эълон қилди. «Элтуз» ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...