ART-DURBIN
22 ноябр 2021

Рип Хопкинснинг Ўзбекистони

muynak
Рип Хопкинс, Қорақалпоғистон, Мўйноқ

Британиялик таниқли фотограф Рип Хопкинс (Rip Hopkins) фотообъективида акс этган Ўзбеккистон туризм ширкатлари чоп қилган буклетлардан фарқ қилади.

10 ëшидан бери сураткашлик қиладиган ва Парижда тахсил олган 44 яшар Рип Хопкинс (Rip Hopkins) – мукаммал фоторассом сифатида Британияда ном чиқарди.

“Чегара билмас врачлар” жамиятида фотографлик қилган Хопкинс дунëнинг дардли нуқталарини бу дардга дармон бўлган врачлар билан кезиб инсониятнинг асл юзига разм сола олди.

bukhara
Рип Хопкинс, Бухоро

Хопкинс Марказий Осиë билан боғлиқ лойиҳаларда фаол иштирок қилда ва минтақанинг барча ерини қаричма-қарич кезди.

Хопкинс фотокамерасида акс этган Ўзбекистон тасвирларида киноя ва истихола унсурлари мавжуд.

Визуал жиҳатдан мукаммал дея билинган бу сувратларни Элтуз ўқувчиларига ҳавола қиламиз.

Автор айни пайтда суратлар дизайни билан машғул бу эса уни шунчаки сураткаш рутбасидан юксакроқ мавқега элтади.

zeravshan
Рип Хопкинс, Зарафшон

Суратларнинг барисида композиция ва ранг уйғунлигига эришилган.

Бу эса Хопкинс фотографдан кўра мусаввир каби мушоҳада қилди деган фикрни пайдо қилади.

Аснода рассом минтақа қиëфасини чучмал гўзал қилишга тиришмайди¸ балки ғайри-одатий ғадир-будир воқеликка диққатимизни жалб қилишга тиришади.

Хопкинс ғалати жойларда ғалати одамларни суратга олади. Хопкинс назарида айнан ғалати одамлар томошабиннинг шоëн диққатига лойиқдирлар.

Ҳатто Хопкинс суратга олган натюрмортлар ҳам инсоний муаммолар ҳақида қичқираëтган каби туюлади.

fergana
Рип Хопкинс, Фарғона

Томошабин бу расмлардан бир этак позитив эмоциялар олади. Хопкинс репортажлари эса алоҳида тахсинга лойиқ.

Рип Хопкинс доимо томошабин нигоҳини дунë ажойиботларига қаратиб оламнинг мураккаб ва ниҳоятда гўзал эканлигини урғулайди.

Хопкинсга кўра ҳатто дунë тамаддунидан олис пучмоқларда ҳам инсон асосий ва бош қахрамон бўлиб қолаверади.

Хопкинс Ўзбекистонидаги инсон ҳам умидга лойиқ каби кўринади.

Расмлар манбаси: http://www.riphopkins.com

Акмал Ризаев
Ўзбекистонлик муаллиф таҳаллуси
Eltuz.com

Тағин ўқинг
28 август 2020
Ислом Каримов ўлими ҳақида илк бор «Элтуз» нашри 2016 йилнинг 29 август куни бир-биридан мустақил манбалари тасдиғига кўра хабар ...
21 октябр 2020
Қашқадарёнинг Ғузор туманида 21 октябрь куни ойлик маошлари берилмаганидан норози GTL ENTER ENGINEERING компанияси ишчилари ғалаён кўтаришди. Ижтимоий тармоқларда ...
26 ноябр 2021
Драматург Григорий Горин 1972 йилда ëзган «Номинг ўчсин, Герострат» («Забыть Герострата») асарини 1975 йилда Тошкент театр ва рассомлик институти ...
22 октябр 2020
Пайшанба куни Қашқадарё вилоятида Enter Engineering компаниясининг ғалаён кўтарган ходимлари билан суҳбатлашган Ғузор тумани ҳокими Беҳзод Суюнов катта концерт ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...