Асосий мавзулар
25 июн 2019

Швецияда ишчи ўзбек йигити ўлди

Қашқадарёнинг Чироқчи туманидан Швецияга келиб ишлаётган 35 яшар Ўзбекистон ватандоши Акмалжон Чўлиев 21 июнь куни Стокгольмда вафот этди.

«Элтуз» воқеани ўрганиш учун Стокгольмдаги ўзбек диаспораси вакиллари билан боғланди. Уларнинг айримлари Акмалжон Чўлиевнинг уйида ўлик ҳолда топилганини таъкидлашди.

Стокгольм шаҳрида яшовчи бошқа бир ўзбек мигранти «Элтуз» мухбирига шаҳардаги дўконда мева-чева сотувчи таниш аёлдан иқтибос келтириб, Чўлиевнинг уйида эмас, иш жойида ўлгани, «тез ёрдам» машинаси олиб кетгани ва бу табиий ўлим шаклида қайд этилганини билдирди.

Бироқ «Элтуз» мухбирига жавоб берган барча томонлар Чўлиевнинг ўлдирилган бўлиши мумкинлиги тўғрисидаги тахминни инкор этишди, ўз ажали билан ўлганини билдиришди.

Ўзбекистон Ташқи ишлар вазирлиги 24 июнь куни маҳаллий полиция ўлим сабабларини текшираётгани ҳақида ёзди.

Лекин «Элтуз» швед полицияси билан телефон орқали боғланганида бу шахс ва ўлим ҳодисаси уларда қайд этилмаганини билдиришди.

Шунингдек, «Элтуз» швед полицияси сайтида 21 июндан буён кўрилаётган ишлар реестридан ҳам бу ўлим ҳодисасига оид суриштирувни топмади.

«Элтуз» нашрининг ўрганишича, шу кунларда жасадни Ўзбекистонга жўнатиш юзасидан Стокгольмдаги ўзбек диаспораси вакиллари пул йиғишни бошлаб юборишган.

eltuz.com

Тағин ўқинг
19 ноябр 2018
Ижтимоий тармоқда Наманганнинг 5-микрорайонида қурилаётган Эйфель минораси нусхасининг дастлабки фотосуратлари пайдо бўлди. Парижнинг машҳур Эйфель минораси нусхаларини бугунги кунда ...
12 феврал 2022
(Таниқли шоир ва сиёсатчи Муҳаммад Солиҳнинг “Императив” китобидан 43-қисм. Аудиокитоб матнини муаллифнинг ўзи ўқиган. Давоми бор.) МОСЁ ТЭСТ БИЛАН ...
1 октябр 2015
29 сентябр куни ўзбек ҳуқуқ ҳимоячилари Елена Урлаева ва Малохат Эшонқуловалар Хоразм вилоят Хазорасп ТИИБ милиционерлари томонидан ушланган ва ...
26 апрел 2018
26 апрель куни фейсбукда пайдо бўлган фотосуратда Ўзбекистон Мудофаа вазирлиги артистларининг рус ҳарбийлари кийимида уруш қўшиқларини куйлаб, Тошкент метросига ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...