Асосий мавзулар
21 феврал 2021

Танзила Норбоева икки ногирон укаси бор йигитга қандай ваъда берган эди?

Жиззах вилоятининг Бахмал туманидаги Дўсмат қишлоғида яшовчи Улуғбек Муродов Сенат раисаси Танзила Норбоева берган ваъдасини бажармагани хусусида ижтимоий тармоқда бир неча бор чиқишлар қилган. 

Маълум бўлишича, 18 февраль куни туман прокуратураси Улуғбек Муродовни судга чақириб, унга туҳмат қилганлик айбини қўйган.

“Укаларим руҳий касал, – дейди Улуғбек Муродов “Элтуз” билан суҳбатда. – Ота-онам 2017 йил вафот этган. Бизда 2018 йилдан буён уй-жой масаласида муаммо бор. 3 йил ичида ҳам бу масала ўз ечимини топгани йўқ.

Ижтимоий тармоқларда тинимсиз чиқишлар қилиб келяпман. Президент қабулхонасига, порталига аризалар топширганман.  2020 йил сенатор Санобар Суярова муаммонгни ечиб бераман, мени Танзила Норбоева юборди, деб кўп ваъдалар бериб кетди. Аммо амалда ҳеч нарса қилмади”.

Унинг сўзларига кўра, уй, ҳовли, боғларини олиб қўйишмоқчи. Икки укасини ногиронлик уйига топшириб, ўзи четга чиқиб кетишини талаб қилишяпти. Ярим гектардан ошиқроқ ерини ҳужжатлари жойида эмас, деган баҳонада Бахмал тумани кадастр бўлими ноқонуний равишда мусодара қилиб юбормоқчи. 

“Уларга кўплаб ҳужжатлар тақдим этганман. Бизнинг асосий даромадимиз шу ердан. Боғимиз бизни боқади. Ерсиз укаларим билан қийналиб қоламиз. Илтимос, ишимиз ижобий ечим топгунга қадар биз билан алоқада бўлиб туринг”, деди Улуғбек Муродов “Элтуз” билан суҳбатда.

Бахмал тумани кадастр бўлими бошлиғи Файзулло Ўсаровнинг билдиришича, Улуғбек Муродов менга тегишли, дея иддао қилаётган ер қонун доирасида унга расмийлаштирмаган. Ундан ҳужжат талаб қилинганда ногирон укаларини пеш қилмоқда.

– Тўғри, унга ҳам қийин,- деди Файзулло Ўсаров. – Аммо биз ҳам ишимизни қонун доирасида қиламиз. Афсуски, қоғоз гапирадиган замонда яшаяпмиз. Унинг ижтимоий тармоқларда асосли ва асоссиз чиқишлари туман обрўсига яхши бўлмади. Биз учун ҳам инсон тақдири муҳим омил саналади. Албатта, кадастр ходимлари унинг иши ижобий ҳал бўлишига ёрдам беради.

Туман ҳокимлиги мутасаддилари ушбу мавзу бўйича интервью беришни хоҳламади. Танзила Норбоева номидан ваъдалар берган сенатор Санобар Суярова билан ҳам боғланиш имконсиз бўлди.

Тағин ўқинг
25 апрел 2021
Азиз дўстим, кўзлари интизор синглим, меҳрибон опажонларим, дуогўй онахонлар, юзидан фаришта ëққан отахонлар, акалар, укалар, муқаддас Рамазон ойи муборак!   ...
24 май 2016
Ўқув машғулотларидан эндигина қутилган, бироқ чопиқ деган даҳмазага тутилган фарғоналик муаллималарни, тағин яқиндагина Универсиада спорт тадбирлари ўтган майдонларни тозалашга ...
17 март 2016
Хусусан, “Ўзбекистон овози” газетаси азалдан қишлоқ ва маҳаллаларда шаклланган ҳашар эндиликда мамлакат миқёсига чиққани, бўлиб ўтган ҳашарда 18 миллиондан ...
2 июн 2020
Россия истилочилари томонидан Самарқанд босиб олингач, 1868 йилги энг қонли жанглар Зирабулоқ тепалигини сақлаб қолиш учун бўлди. Бироқ Россиянинг замонавий ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...