Асосий мавзулар
17 март 2021

Университетда коронавирус чиқди

Андижон давлат университетининг олти ходимида коронавирус аниқлангани ҳақида хабарлартарқалди. АДУдаги манбанинг “Элтуз”га айтишича, аслида касаллик юқтирган талаба ва ходимлар сони бундан ҳам кўп бўлиши мумкин. 

Талабалардан бирининг вафот этгани ҳақидаги миш-мишга муносабат билдирган манба ҳозирча бу маълумот сир сақланаётганини маълум қилди. 

АДУ ректори Акромжон Йўлдошевнинг сўзларига кўра, ҳозир таълим даргоҳига тиббий ниқобсиз кириш, бир-бири билан қўл бериб кўришиш тақиқланган. 

“Кираётганда ҳар бир кишининг тана ҳароратини ўлчаш ва қайд қилиб бориш йўлга қўйилди. Дарс жараёнларида масофа сақлаш қатъий назоратга олинди. Университет ҳудуди ва барча бинолар СЭОМ ходимлари томонидан тўлиқ дезинфекция қилинди”, деган университет ректори Kun.uz сайтига.

“Элтуз” манбаси маълумотларига кўра, айнан тана ҳарорати ўлчанганда 30 нафар талабада иситма қайд этилган. 

– Бироқ бу уларнинг барчаси коронавирусга чалинганини англатмайди. Ҳали тест натижаларини кутиш керак. Бу оддий шамоллаш ҳам бўлиши мумкин. Лекин университетимизда коронавирус аниқланган беморлар расмий эълон қилинган 6 тадан кўп. Улар асосан физика-математика факультети ҳамда Ахборот-ресурс маркази ишчи-ходимларидир. Ҳозир кутубхона ёпиб қўйилган, – дейди манба.

Куни кеча Андижон вилояти Халқ таълими бошқармасида коронавирус мавзусига бағишланган тезкор йиғилиш ўтказилган. Бошқарма бошлиғи Азизбек Миркомилов вилоятдаги барча умумтаълим мактаблари раҳбарларига ўз ҳудудларида карантин қоидаларини кучайтириш юзасидан топшириқлар берган. 

Ҳозир вилоятдаги барча мактаблар кучайтирилган қатъий тартибда ишламоқда. Мактабларга бегоналар, ҳатто ота-оналарнинг ҳам кириши ман қилинган. 

Айни пайтда Андижон шаҳри юқумли касалликлар шифохонасида коронавирусга чалинган 6 нафар бемор бор. Бу ҳақда навбатчи шифокорлардан бири маълум қилган. 

Бироқ улар Андижон давлат университетининг коронавирусга чалинган ходимлари эмас, балки хорижда ишлаб қайтган бир оиланинг аъзолари экани айтилмоқда.

Тағин ўқинг
12 апрел 2024
Расмдаги хотинни отиб ўлдириш учун олиб кетишмоқда. У Вьетнамлик тадбиркор. Веьтнамнинг Ортиқхўжаеви. Вьетнам суди тадбиркор Чыонг Ми Ланни ўлимга ...
26 июл 2016
Қамчиқ довонидаги туннел баҳона Оқсаройга йўналган пахта оқими янада кучайди. Бутун Ўзбекистон матбуоти бугун шу қурилишни амалга оширганларга эмас, ...
19 феврал 2018
Ички ишлар вазири, 57 ёшли Пўлат Бобожонов ўтган йили «ИИВнинг 230 нафар ходими жиноий жавобгарликка тортилгани, 8 минг 32 ...
18 январ 2016
Улуғбек Ашур Eltuz.com Бугун Жиззахда ИШИДга алоқадорликда айбланаётган армани миллати ва насроний динига мансублиги айтилаётган жиззахлик Арамаис Авакяннинг суди ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...