Асосий мавзулар
24 июн 2022

Ғузорда икки нафар бола вафот этди, ССВ касалликни аниқлай олмаяпти

Қашқадарё вилояти Ғузор туманида 2 нафар бола номаълум касаллик сабаб вафот этди. “Халқ сўзи” газетаси журналисти Фазлиддин Абиловнинг “Элтуз”га маълум қилишича, вафот этган болалар6 ёшли қизалоқ ва 3 ёшли ўғил бола унинг жиянларидир. Маҳаллада истиқомат қилувчи ўнлаб болаларнинг ҳам аҳволи оғир. Иситмалашяпти, баданларига тошмалар тошган.

Болалардаги ушбу номаълум касаллик симтомлари икки кун олдин, яъни 22 июнь санасидан бошлаб кузатила бошлаган. Натижада 23 июнда 3 ёшли болакай, 24 июнда эса 6 ёшли қизалоқ вафот этган.

Журналист куни кеча Ғузордаги ҳолат юзасидан Соғлиқни сақлаш вазирлигига маълумот берган. Унинг иддаоларига кўра, вазирлик бунга совуққонлик билан ёндошган.

«Вазирликка 23 июнь куни кундузи ҳолатни маълум қилдик, улар кечаси 23.00 да баёнот беришди», –дейди Ф. Абилов. Баёнотда ҳолатни ўрганиш учун бир гуруҳ малакали професор ва шифокорлардан тузилган бригада Ғузорга юборилгани айтилган.

«Улар етиб боргунга қадар тонгда яна бир жияним оламдан ўтди. Уларнинг борган ёки бормаганини аниқ билмайман. Эшитишимча, мутахассислар бемор болаларни эмас, Ғузордаги тиббиёт муассасаларни текшираётган экан. 24 июнь тонгда вафот этган қизалоқни экспертизага олиб кетиш учун махсус машина келган. Аммо у ҳам ярим йўлда ёқилғиси йўқлиги туфайли ўчиб қолган. Жиянимнинг ўлиги ҳам ҳор бўляпти. Бу тизимнинг эгаси борми, бу давлатда инсонлар хор бўлиб ўлиб кетаверадими?» дейди Абилов.

ССВ матбуот хизмати “Элтуз” га вазирлик телеграм каналида ҳолат юзасидан батафсил маълумот беришини маълум қилган.

“Элтуз” ҳолат бўйича қўшимча маълумот олиш мақсадида Ғузор тумани ҳокимлиги мутасаддилари билан боғланди. Уларнинг айтишича, бемор болалар ота-оналарининг розилиги билан Қарши шаҳар кўп тармоқли болалар шифохонасига ётқизилган. Ғузор тиббиёт бирлашмаси ходимлари дастлабки ташхисларига кўра болалар омикрон ёки сувчечак юқтириб олишган, дея таҳмин қилмоқда. Чунки болаларда тошма тошган, улар тинимсиз иситмалаган.

Ғузор туманига юборилган бригадада педиатрлар Дилрабо Абдуллаева ва Муборак Алихўжаевалар ҳам бор. Улар туман тиббиёт бирлашмасида бўлиб турибди. Ҳали бирор нарса аниқлашмаган.

Eltuz.com

Тағин ўқинг
11 июл 2016
Украина ва Россия ижтимоий тармоқларида мақсади аёллар ва қизларга нисбатан қилинган шилқимлик ва жинсий зўравонликка жамоатчилик эътиборини тортишга қаратилган ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. Шу пайт менинг орқамдан ...
3 ноябр 2022
«Элтуз портали»га келган навбатдаги бешта шикоят мактубини ўқиб эшиттирамиз дастлабки шикоят Самарқанддан. “Кадастр ходимининг ерни ноқонуний тарзда сотгани” ҳақда. ...
24 октябр 2016
Ўзбекистондаги сиёсий партиялар 4 декабрь куни бўлиб ўтадиган президент сайловига ўз номзодларини кўрсатиб бўлди. Энг сўнггида муваққат президент ва ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...