Асосий мавзулар
13 апрел 2024

Ўзи йўқ автойўллар учун қанча пул тўлаймиз?

Ўзбекистоннинг барча автойўллари 42,869 километрни ташкил қилади. Поворотлар икки хил – ўнгга ва чапга. Шу йўлнинг ҳар бир километрини қуриш, таъмирлаш, ямаш учун 950 минг доллар сарфланади.

Бу уйдирма эмас, Элтуз фитна қиляпти деб сочингни юлишма. Бу маълумотни биздан ташқари Кун.уз ҳам тасдиқлаган. Ўзбекистонда ҳар бир километр йўл 950 минг доллар туради.

Йўлсозлик – бехижолат талон-торож қилинадиган соҳа. Масалан, қоғозда 4 метр кенгликдаги йўл, амалда 3 метр 90 сантиметрга айланади, баландлиги 40 см деб ёзилади, лекин 35 см қилиб қурилади. Қарабсизки, миллардлаб сўм ўзлаштириляпти. Ўғириликнинг усуллари яна кўп, шағалдан уриб қолиш мумкин, мустаҳкамловчи тўр ўрнатилмаса ҳам анча пул ёнга қолади. Бир ёмғирдан кейин йўл чўкса, ўйилиб кетса айбдор оғир юк ташийдиган мошинлар.

Ўзбекистон қашшоқлари, яъни фуқаролари ҳар бир литр газ ёки бензинидан йўл солиғи тўлайди. Тўлагандан кейин талаб қилишга ҳаққи бор. Тўртта блогер юрак ютиб Автойўл қўмитаси матбуот котибига савол берганди, ноилож қоган котиб кўзларини пирпиратиб жавобдан қочди.

Ўзбекистондаги 42 минг километр йўлни давлатнинг «Автомобил йўллари қўмитаси» монополия қилиб эгаллаб олган. Йўлда данакдек чуқур учун ҳам шу қўмита масъул. Бу қўмитани тузишдан мақсад йўлларни созлаш бўлмаган. Қўмита – бюджетдан пул ўмариш учун қулай форточка.

Агар мақсад йўлсозлик бўлса хусусий ширкатлар очилиб, очиқ танлов асосида ўша ширкатлар йўл таъмирласин. Ҳокимиятлар ўз сайтида йўлга сарфланган пул ҳисобини чиқариб, қилинган ишларни кўрсатиши шарт. Опен бюджет деган тавия шоуга зарурат қолмасин.

Бир тарафда тўрт-бешта бой халқ пулини ўмариб семиряпти. Азим Ўзбекистон эса қашшоқман, ночорман деб дунё давлатларига қўл чўзганча қарз сўраб юрибди.

Тағин ўқинг
14 август 2018
Бугун eltuz.com сатирасида рассом Туз қирғиз-ўзбек чегарасидаги яширин туннелдан ўтишга мажбур бўлаётган келинлар муаммосини акс эттиради. Ота-онасини кўриш учун ...
20 август 2018
Ўзбекистон бош вазири Абдулла Арипов минган «Мерседес» 20 август куни Бекобод-Тошкент йўлида «Дамас» енгил автомобили билан тўқнашган. Ички ишлар ...
29 декабр 2020
2020 йилда Миллий гвардия ташаббуси билан Учтепа тумани ҳокимлиги ва Тошкент шаҳри ИИББ ҳамкорлигида аҳоли ўртасида соғлом турмуш тарзини ...
10 август 2021
ИШИДнинг Суриядаги лагерларда сақланаётган аёл аъзолари учун июль ойида рус тилидаги ёпиқ телеграм чатда қуйидаги эълон берилди: “Ўзбекистонлик опа-сингиллар, ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...