Асосий мавзулар
3 октябр 2019

Муҳаммад Солиҳ: Мустақилликни мигрантлар манфаати учун қурбон қилмаймиз!

Россия Федерация Кенгаши спикери Валентина Матвиенко баёнотига кўра, Ўзбекистон президенти мамлакатнинг Евроосиё иқтисодий иттифоқига қўшилиши масаласини ўрганаётир.

Матвиенконинг айтишича, бу хусусда «Ўзбекистон президенти бир қарорга келган».

Шу ўринда жаноб Шавкат Мирзиёевга бир неча саволимиз бор:

1.РИА Новости каби жиддий хабар агентлигида босилган бу хабарга нега жавоб бермаяпсиз? Бу хабар тўғрими ёки русларнинг уйдирмасими?

2. Агар хабар тўғри бўлса, нега давлатимиз учун ҳаёт-мамот масаласи бўлган бу мавзу ҳақида Матвиенко билади-ю, сизни президент қилиб сайлаб, бошига ўтқазган халқ билмайди?

3. Ўртада шубҳали бир ҳолат бор: Матвиенко Ўзбекистоннинг давлат режаларига ўзбеклардан кўпроқ воқифми?

Баъзи лаганбардорлар бу хоинона режага дастак бериб: “Бу иқтисодий иттифоқ, таҳликали эмас”, дейишни бошладилар.

Давлатлар орасидаги ҳар қандай иқтисодий алоқа мутлақо сиёсий алоқанинг инструментидир. Ҳатто энг кучли инструментдир. Буни билиб билмасликка олаётган, бизга бу иттифоқни суқиштираётган ўзбеклар ватан хоинидир.

“Ўзбекистонни демократик ўлка” деб ўйлаётган баъзилар эса масалани референдумга қўйиш ҳақида фикрлар ҳам билдиришяпти.

Бунга зинҳор йўл қўйиш керак эмас. Агар иш референдумга етиб келса, Ўзбекистонга бу бўйинтуруқни кийдириш жуда осонлашади.

Каримов 1991 йил Совет Иттифоқи Конфедерацияси референдумига кириб, 1990 йилда қозонилган Мустақиллик декларациясини қандай осон бекор қилган бўлса, бу муҳтамал референдум Мирзиёев ҳам 1991 йилда эълон қилинган мустақилликни шундай осон бекор қилиши мумкинлигидан дарак беради.

Бир ўзбек ватандоши ўлароқ, ўзбек сиёсатчиларини огоҳлантирмоқчиман. Агар ҳақиқатан ҳам Ўзбекистон давлати тепасидагилар ким бўлишидан қатъи назар, Евроосиё иқтисодий иттифоқига кириш қарорига келган бўлсалар ва бу қарорини амалга оширсалар, бу акция Ўзбекистоннинг мустақил давлат сифатида йўқ бўлишининг бошланиши бўлади. Ва бу ишнинг бошида турганлар ватан хоини деб баҳоланажаклар.

Муҳаммад СОЛИҲ,
Ўзбекистон “Эрк” демократик партияси раҳбари
3.10.2019

Тағин ўқинг
21 апрел 2020
Бош прокуратура 6 апрелдан бошлаб ватандошлардан ўзларининг кундаликларини юритишларини сўради. Демак, Абсатторнинг кундалигини ўқиймиз: «Мен Абсаттор эртаматдан қўшним Абжаббор ...
25 сентябр 2020
Мана, азизларим, ҳафта айланиб дийдор кўришдик. Ҳафта ичида интернетнинг ўзбек сегменти нафрат билан тўла бўлди.  Аввалига кореялик эржонларга посилка ...
25 декабр 2018
Украина ҳукумати 2014 йили муомалага киритган тангада Қрим яриморолининг шарқий қисмида XIII асрда Ўзбекхон томонидан қурилган масжид ва мадраса ...
15 октябр 2015
Хоразмга сафари пайти ҳокимликнинг тунги мажлисида журналист Малоҳат Эшонқулова ёзиб олган аудиоёзувлар Ҳазорасп ҳокими Ўктам Қурбоновнинг иккиюзламачилигини фош қилган. ...
Блоглар
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...
11 январ 2021
Таниқли шоир Баҳром Рўзимуҳаммад 60 ёшда Баҳром ака индамайгина олтмишга кирибди. Ботинан қаралганда, ундай эмас. ...