• Фото: БМТ Бош котиби Антониу Гуттериш, Твиттердаги саҳифасидан
Асосий мавзулар
6 апрел 2020

Карантин оилавий зўравонликларнинг авж олишига сабаб бўлмоқда

Қирғизистоннинг Чуй вилоятида бир кунда икки ўспирин ўз жонига қасд қилгани ҳақида “Озодлик”нинг қирғиз хизмати хабар берди. Маҳаллий ички ишлар идораси тасдиқлашича, ўлим ҳолатлари 29 март куни Иссиқ Атин туманидаги иккита қишлоқда содир бўлган. 

Бундан аввал, 16 март куни карантин эълон қилинган кундан бошлаб икки ҳафта ичида Иссиқкўл вилоятида 5 нафар ўспирин ўзини ўлдирган эди. Бу ҳақдаги хабарни “Озодлик” радиоси ҳукуматнинг Иссиқкўл вилоятидаги вакили Эльмира Усеновадан иқтибос келтириб билдирган эди.

“Булар 11 ёшдан 14 ёшгача бўлган болалар. Улар оилалардаги турли келишмовчиликлар туфайли ўз жонига қасд қилишган», деди Усенова.

Дунё аҳолисининг чорак қисми уйида қолишга мажбур бўлаётган бир пайтда оилавий зўравонликлар муаммоси кескинлашмоқда. 

БМТ бош котиби Антониу Гуттериш 6 апрель куни эълон қилган видеомурожаатида карантин пайтида оилаларда зўравонлик ҳолатлари авж олганини маълум қилди.   

“Cўнгги ҳафтада иқтисодий ва ижтимоий босим ҳамда қўрқувнинг кучайтирилгани ортидан оилаларда глобал зўравонлик даражаси ортганига гувоҳ бўляпмиз”, деди Гуттериш.

Унинг сўзларига кўра, айрим аёллар изоляцияда бўлиш зарурати туфайли шафқатсиз муносабатга мойил ўз жуфтлари “тузоғи”га тушишган. Айрим мамлакатларда аёлларнинг бу юзадан шикоятлари икки баробар кўпайган.

«Айни пайтда ҳуқуқни муҳофаза қилиш идоралари ва тиббиёт муассасалари иши кўпайган, зўравонлик қурбонларини қўллаб-қувватловчи маҳаллий гуруҳларга эса ресурс етишмаяпти», дея таъкидлади Гуттериш.   

Муаммони ҳал қилиш учун БМТ бош котиби ҳукуматларга зўравонлик жабрдийдаларини қўллаб-қувватловчи нотижорат ташкилотларга молиявий ёрдамни кўпайтириш, дорихоналар, озиқ-овқат дўконларида хавф-хатар ҳақида хабар етказиш авария тизимларини ўрнатишни, шунингдек, вақтинчалик бошпаналарни ҳаётни қўллаб-қувватлайдиган муассасаларга тенглаштиришни таклиф қилди. 

Eltuz.com

Тағин ўқинг
18 май 2021
“Элтуз”га яқин ва бир-биридан мустақил манбаларнинг хабар беришича, Ўзбекистонга гўёки йирик инвестицияларни амалга ошириш учун кириб келган олигарх Фаттоҳ ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни остида тошкентлик таҳлилчи Анвар ...
11 апрел 2017
Суд-ҳуқуқ тизими ислоҳ қилинаётгани ҳақидаги ура-урачиликнинг янги тўлқини кўпчиган шу кунларда «XXI аср» газетаси яна бир мавзуни кўтарганки, соҳадаги ...
14 январ 2016
Ўзбекистонда деярли 100 фоиз тадбиркор банкларга ишонишига ишонасизми? “Миллий тикланиш” газетасининг ёзишича, “Ижтимоий фикр” жамоатчилик маркази ўтказган сўровда қатнашган ...
Блоглар
23 май 2023
Дин ишлари қўмитаси “ҳажга юбораман” деган «апрслар» гапига ишонманглар, деб, “лўхлар”ни огохлантирди. Аммо лўх ва ...
22 май 2023
Ўзбекистоннинг ўрисқул ҳукумати яна бир санкцияга тушган Украинага қарши уруш айбдорини Тошкентга чақириб сийлади. Украинадаги ...
20 май 2023
Элтузнинг душман эмас балки дўст эканлигини энг биринчи англаб тушуниб етган илк расмий киши бу ...