Кундалик
19 январ 2016

«Жодугар»да ўйнаган артист «Ўзбеккино» раҳбари бўлди

“Девона фаришта”, “Қўрғошин” ва “Жодугар” фильмларида ўйнаб танилган артист Отабек Мусаев «Ўзбеккино» Миллий агентлиги раиси этиб тайинланди.

Бу ҳақда «Ўзбеккино» Миллий агентлигининг ахборот хизмати хабар берди. Мусаев бундан олдин Ўзбекистон Президенти Девонида мулозим эди. Отабек Мусаев агентликнинг бош директори вазифасини вақтинча бажарувчи сифатида ишлаб келаётган Аҳмаджон Умаров ўрнига келди.

“Ўзбеккино”даги Eltuz.com манбасига кўра, Мусаев “текшир-текширдан чарчаган ва ўзаро адоват ҳукм сурган идорага навбатдаги торпеда раҳбар сифатида юқоридан жўнатилган” 2014 йили “Ўзбекфильм” очиқ акционерлик жамияти директори Файзираҳмон Усмонов жиддий тафтиш натижасида аниқланган бир миллиард сўм камомадда айбланиб ишдан олинган эди.

Бу воқеадан бир неча кун ўтгач “Ўзбеккино” Миллий агентлиги Бош муҳаррири Мурод Муҳаммад Дўст ҳам лавозимидан бўшатилган эди.

Ўзбекистон кино индустриясининг барча тармоқларида бошланган тафтиш пайтида “Ўзбекфильм” очиқ ҳиссадорлик жамияти маҳсулотларини сотиш бўлими бошлиғи 51 яшар Тўлаган Назаровнинг жасади “Ўзбекфильм” биносида осилган ҳолда топилган эди.

Дарвоқе ўзини осган Тўлаган Назаров хозир “Ўзбеккино”га раҳбар қилиб туширилган Отабек Мусаев роль ўйнаган “Қўрғошин” фильмига продюссерлик қилган эди.

Продюссер ўлими ортидан 2015 йилнинг декабрида Жаҳонгир Қосимов агентлик раҳбарлигидан кетказилган эди. Бу идорада узоқ ишлаб истеъфога чиққан ва исми айтилмаслигини маъқул кўрган ëзувчига кўра, “Ўзбеккино бахилларнинг кўкармайдиган боғига айланган”.

Eltuz.com

Тағин ўқинг
4 апрел 2018
Боғчадаги болаларни ургани видеоси тарқалган, Жиззах шаҳрининг “Наврўз” номли 39-боғча тарбиячиси 37 яшар Моҳира Маматқулова ишдан бўшатилди. Уч нафар ...
8 сентябр 2015
Бугун немислар очиқ қалблар билан қочқинларни кутиб олишмоқда. “Берлинда мен Refugers welcome – Қочқинлар хуш келибсиз! деган шиорларни кўраман. ...
6 март 2017
Амакиси президент бўлган Ўзбекистондаги тузумнинг танқидчисига айлангани ортидан 2006 йил кузида руҳий касаллар шифохонасида банди этилган жиззахлик журналист Жамшид ...
19 январ 2017
Истанбул Террорга қарши мужодала шўъба мудирлигида 45 соатдан бери давом этаëтган терговда Ўзбекистон ватандоши Абдуқодир Машариповнинг терговчилар саволларига берган ...
Блоглар
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...
6 октябр 2019
Руҳий соғлом Нафосат Оллошукурова руҳий касаллар шифохонасида. У ёшлигидан меҳрибон қиз бўлиб ўсди. Атрофдаги ноҳақликларни ...