KFC фастфудини кўриб, ўзбеклар «Ў-ў-ў!» дейишди

Тошкентда KFC фастфуд ресторанлари тармоғи иш бошлади.

Дастлабки ресторан «Буюк ипак йўли» метроси яқинида 12 сентябрда иш бошлагани ҳақида газета.уз нашри хабар берди.

Таомномаси товуқдан тайёрланган снек, сендвич, баскет ва десертлардан иборат, 97 нафар хўрандага мўлжалланган ресторанга тошкентликлар узун навбатга туриб киришмоқда.

Американинг KFC – «Кентукки қовурилган товуқлари» (Kentucky Fried Chicken) фастфуд ширкатига тадбиркор Ҳарланд Сандерс 1991 йили асос солган.

АҚШнинг оғир иқтисодий депрессия йилларида иши юришмаган собиқ полковник Сандерс франчайзинг бизнесида омадини синаб кўришга қарор беради ва ўзи ўйлаб топган қовурилган товуқ рецепти лицензияси ҳуқуқини сота бошлайди.

Қизил ва қора рангдаги KFС рамзида ҳам чўққисоқол Ҳарланд Сандерснинг расми акс этган.

KFC нисбатан қисқа вақт ичида катталиги жиҳатидан дунёда фақат McDonald’sдан ортда турувчи ресторанлар тармоғига айланди.

Рассом Туз
Eltuz.com