Асосий мавзулар
19 декабр 2019

“Нимани, кимни сайлашимизнинг фарқи йўқ! Свет ўчмаса бўлди…”

Ўзбекистонда аҳоли ўртасида 22 декабрь кунига белгиланган сайлов шаффоф, холис ва адолатли ўтишига ишонч анча сустлигини кузатиш мумкин.

Бош прокуратура академияси доценти Гулчеҳра Маликованинг Ўзбекистонда сайловларни баҳорга кўчириш таклифи юзасидан билдирилган фикрлардаги истеҳзолар шундан дарак беради. 

“Сайловлар ўтадиган қиш кунларида узоқ туманлардаги сайловчилар ва сайлов участкасидаги ходимлар аҳволини тасаввур қилинг. Улар сайлов кампанияси бошланганидан бошлаб 40 кун шу участкада бўлиши керак…

…Ўзбекистонда сайловлар об-ҳавонинг иссиқроқ кунларига кўчирилиши керак. Шу билан сайловчилар ҳам, сайлов жараёнларидаги масъуллар ҳам қийналишмасди”, деди доцент.

У сайловларни апрель ойида ёки Наврўз байрами кунларида ўтказишни таклиф этиб, “бундай пайтда об-ҳаво яхши, одамларда ҳам байрам кайфияти ҳукм суришини” қўшимча қилади. 

“Kun.uz” сайтида ушбу хабар остида қолдирилган изоҳлар нафақат бўлажак сайловга ишончсизликни, балки жамиятдаги муаммолар юзасидан одамларнинг кайфиятини ҳам кўрсатиб беради. 

“Одамлар келмай қолиши мумкин, дейилибди. Бунинг кимга қизиғи бор? Сайловга одамларнинг ярми келмаса ҳам эртаси куни “Ахборот”да эълон килишади “Сайлов кўтаринки руҳда ўтди, қатнашувчилар сони 99,99% бўлди”, деб. Шунинг учун сайлов -40 C да ўтса ҳам натижаси олдиндан маълум”, дейди Karimov Alijon исмли фойдаланувчи.

Эшонов Баҳодир исмли юзер эса “Умуман бўлмаса ҳам хафа бўлмаймиз. Сайлов бошланмасдан туриб депутатларнинг берган интервьюсининг бирортаси халққа ёқмади. Биттаси чиқиб кўп гўшт еябмиз дейди, биттаси 2,5 миллион (яхши яшашга) етади дейди”, деб ёзди. 

Zohidjon Abdujalil o’g’li қолдирган изоҳда эса “Нимани, кимни сайлашимизнинг фарқи йўқ! Свет ўчмаса бўлди…”, дейилади ва бугун мамлакатда энг оғриқли бўлган электр энергияси таъминотига эътибор қаратилади. 

Умуман, изоҳларнинг катта қисмида сайлов баҳона қиш фаслида жуда кескинлашадиган газ ва электр таъминоти муаммоси бироз енгиллашиши масаласи биринчи планга чиққан. 

Ortiqboev Zohidнинг “Иложи бўлса, ноябрь ойидан март ойигача икки ҳафтада бир марта ҳар хил сайлов ўтказайлик. Ким, қанақа сайлов эканининг аҳамияти йўқ. Асосийси, газ-свет ўчмайди”, деган изоҳи кўпчиликнинг фикрини ифодалайди. 

Бунга жўр бўлган Zohidjon Abdujalil o’g’li яна бир изоҳида “Мен сайловни ташкил қилганларга, ўтказаётганларга ўзим ва оиламиз номидан раҳмат айтмоқчиман! Сайлов ташвиқотлари бошлангандан бери, чет элдан кузатувчилар келгандан буён бизда свет ўчмаяпти. Яшасин сайлов! Электрчилар турли баҳоналар ҳам қилишмаяпти, лимит ҳам тугамаяпти, подстанциялар ҳам ёниб кетмаяпти, авария ҳам бўлмаяпти. Қойил, сайловнинг кучини қаранг”, дея истеҳзо қилди.

Гарчи юқоридаги фикрлар саноқли одамлар томонидан билдирилаётганига қарамай, улар аҳолининг аксарият фаол қисмида сайловга нисбатан жиддий қарашдан асар ҳам йўқлигининг бир нишонасидек кўринади. 

Eltuz.com

Тағин ўқинг
16 сентябр 2019
Сўнгги вақтларда Ўзбекистон диний сиёсатида қандайдир ўзгаришлардан дарак беришга ишоралар пайдо бўлмоқда.  Лекин бўлаётган ишоралар сиёсатда эмас, балки диний ...
15 март 2019
Одамлар эски пайтда турлиликка тоқатли бўлган. Эски фотографияларда одамлар бошларидаги дўппилар ҳам ҳар ҳил эканлигини кўрамиз. Кейинчалик бир хиллик ...
14 декабр 2017
Рассом Туз акс эттирган расмдаги бу ҳайвонни биласизми? У қандай ҳайвон? Қаерларда яшайди? Нимадан қўрқади? Кимга бўйсунади? Кимларга ташланади? ...
28 январ 2016
Президентликни хоҳламасангиз, биринчи хонимликка нима дейсиз? Sputnik интернет нашри Ўзбекистон президентининг кенжа қизи Лола Каримова Instagram даги расмий саҳифасида ...
Блоглар
16 январ 2020
Ўзбекистон адлия вазири Русланбек Давлетов шу йилнинг 10 январь куни “Эрк” демократик партияси бош котиби ...
9 январ 2020
Евро-Осиё Иқтисодий Иттифоқига кириш-кирмаслик масаласи бўйича Ўзбекистонда бошланган қизғин муҳокамалардан четда тура олмаяпман. Виждоним йўл ...
6 январ 2020
АОКА блогер ва журналистларни сотиб олиши эмас, ҳуқуқий қўллаб-қувватлаши зарур. Унинг баёнотлари жуда кулгили. Ваколатлари ...