Асосий мавзулар
19 май 2021

Мардикор ҳарбийлар

Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май арафасида боғ ҳудудини тозалаш ишларига сафарбар этилди. Улар ҳарбий хизматда йигитлик бурчини боғдаги асфальтларни ювиш билан ўтаган. 

Ушбу ҳолатга “Элтуз” мухбири бевосита гувоҳ бўлди ва ҳарбий хизматчилардан интервью олишга уринди. Суҳбат жараёнида улар ҳарбий хизматни Чирчиқда ўтаётгани, эрталаб тўққиздан кечки олтигача Ғалаба боғида ишлаётганини айтди. 

Исми сир қолишини истаган ҳарбий хизматчилар ҳарбий қисмда шароитлар, овқат ва бошқалар яхши экани, аммо май ойи бошидан ҳозирга (10 май) қадар ҳарбий тактика бўйича етарлича кўникма олинмагани, ҳатто командирларнинг ҳам оддий сафда туриш бўйича илми йўқлиги ҳақида гапирди.

Худди шу мазмунда “Элтуз” таҳририятига мурожаат ҳам келган эди. Хатда ҳарбий хизматдаги аскарларнинг турли ишларга сафарбар этилиши баён этилганди.

“Тошкент вилоятидаги ҳарбий қисмда бир ойлик ҳарбий хизматда бўлдим, –дейилади хатда. – Очиғи, Ватан олдидаги бурчимизни ўташ ва бир парча қоғоз учун ҳарбий хизматга борган эдим. 

Шунинг учун тишимни тишимга қўйиб чидадим. Очиқча айтаман, у ерда аҳвол оғир. Тўғри, ётоқ жой, овқат ва бошқадан муаммо йўқ. Аммо ҳарбий кўникма ва билим берилмайди. 

Бир ой умрим ҳавога совурилди. Бизни қўйдек еталаб юришди. Совуқда  Тошкент вилоятининг Ғазалкент шаҳрида 20 кун меҳмонхона қурилишида ишладик. Бизни бу ҳақда ҳеч кимга ошкор қилмаслик, акс ҳолда ҳужжат берилмаслиги билан қўрқитишди. 

Шунинг учун аксарият йигитлар ҳарбий хизматдан қайтгандан сўнг ҳам булар ҳақида ҳеч кимга оғиз очмайди”.

“Элтуз” мухбири Тошкент вилояти ҳарбий қисмлари масъулларидан телефон орқали ҳолатга изоҳ сўради. Улардан бирининг сўзларига кўра, бир ойлик ҳарбий хизматга кўрикдан ўтилиб, тўлов қилингандан сўнг чақирилиши ва бир ой давомида малакали мутахассислардан сабоқлар олиш белгиланган. 

Унинг билдиришича, ҳарбийлар фақат фавқулодда ҳолатларда меҳнатга сафарбар этилади, бошқа вақтларда уларнинг машғулот жараёнларига халал берилмайди. 

Масъул кузатилган ҳолатлар бўйича изоҳ ва аниқ маълумот бериш ваколатига эга эмаслигини Элтузга маълум қилди. 

Сирдарёда 9-май кунига бағишланган тадбирда ўзбек зобитлари мадҳия янграган пайтда ўзларини қандай тутишларини билмай қолишгани акс этган видео тармоқда кулгига сабаб бўлганди.

Eltuz.com

Тағин ўқинг
27 декабр 2018
Тошкентнинг Нукус кўчасида, Миробод бозори яқинидаги майдонда 21 декабрь куни пойтахтлик хонанда Дилнур Комилов қаттиқ калтакланди. Қонга ботган, оғир ...
11 сентябр 2019
Ибтидосида айтай, мен шоир ёки бастакор, ё-да ҳофиз эмасман. Шеърга ўхшаган бир нарсаларни ёзиб, уларга ўзимча куй басталаб, онда-сонда ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир нечта масжид бор, бугунги ...
19 август 2018
Ҳукумат буюртмасига кўра, ўзбек мухолифатини ёмонотлиқ қилувчи китоб ёзган Олег Якубов билан бўлиб ўтган суҳбатдан сўнг 2000 йилнинг 27 ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...