«Мирзиёев ойболтаси»: Барча пахтага чиқсин!
Шавкат Миромонович Мирзиёев, вақтинчалик президент вазифасини бажарувчи этиб тайинланиши биланоқ, ўзининг “ойболтаси”ни ишга солди: 15 сентябрдан бошлаб Ўзбекистондаги аксар ўрта махсус, коллеж ва олий ўқув юртлари талабалари пахтага сафарбар этилади.
Пахта теримига, асосан, 1 ва 2 курс талабалари чиқарилади.
Марҳум президентдан фарқли Мирзиёв, кўп йиллик тажрибасига таяниб, бу пахта мавсумида янги услубни синаб кўраяпти: талаба бўлган ҳомиладор аёллар ва хроник беморлар ҳам пахта териши шарт!
Пахтага чиқишни истамаганлар ёки имкони бўлмаганлар ҳар бир иш куни учун 30 мингдан 40 минг сўмгача тўлашга ёки ўзлари ўрнига мардикор юборишга мажбур.
Талабни бажармаганлар ўқишдан ҳайдалади, шикоятга ўрин йўқ!
“Элтуз” изоҳи: “Ойболта” – режани бажармаган фермерларнинг мол-мулки зўравонлик билан тортиб олиниб, мусодара қилишни назарда тутган Шавкат Мирзиёев ўйлаб топган тадбир.
Қайтмас Йиртаманов
Тошкентлик блоггер тахаллуси
eltuz.com