Андижонда руҳий беморни уриб «даволаган» шифокорга чора кўрилди

Элтузга етиб келган видеода Андижон вилоят руҳий касалликлар шифохонасидаги холат акс этган.

Воқеа 17 октябр куни соат 19:50 да рўй берган. Видеода беморлар саф тортиб тургани, тиббиёт ходими улар ёнидан ўтиб сўнгги қаторда турган беморни уриб юборгани ва унинг ерга йиқилгани акс этган. Йиқилганидан кейин у додлашда, тиббиёт ходими эса уни уриб тинчлантиришда давом этади. Сал вақт ўтиб ходимлар беморни кўтариб ичкарига олиб кетишади. Касал оғир аҳволда экани айтилмоқда. Элтуз аҳлоқ талабига кўра видеони хиралаштиришга қарор берди. 

PS: Видео эълон қилинганидан кўп ўтмай Андижон вилояти ҳокимлиги юз берган ҳодисани ўрганиш учун касалхонага прокуратура ходимини йўллаган. Айбдорлар тез орада конуний жазо олиши таъминланди. Беморни урган шахс ишдан бўшатилди – дея хабар берди Элтуз инсайдери.