Кундалик
21 сентябр 2016

Сурат Икромов: “Қонунсиз юрт қароқчилар мамлакатига айланади”

Ўзбекистон Ички ишлар органлари ҳақида қонун қабул қилиниши ортидан, Ички ишлар вазирлиги тизимида кадрлар алманиши кузатилмоқда.

Бироқ, экспертлар фикрича бу қабул қилинган қонунни мустаҳкамлаш учун эмас, балки алашинаётган ҳокимиятни мустаҳкамлаш учун қилинаётган амалларнинг давомидир.

20 сентябр куни, чинозлик Инобат Мирзаеванинг уйига автоматлар билан қуролланган 14 нафар милиция ходимларининг бостириб киргани, уй эгаси набираларининг кўзи олдида ҳушидан кетгани ҳақида Ўзбекистон Мустақил Ҳуқуқ ҳимоячилари Ташаббус гуруҳи (ЎМҲҲТГ) рахбари Сурат Икромов хабар тарқатди.

Ахборотда айни воқеа, Ички ишлар органлари ҳақидаги қонун имзоланганидан кейин юз бергани алоҳида таъкидланади.

“Аҳвол ўзгармаган, эски ҳаммом эски тос”, – дейди ҳуқуқ фаоли Сурат Икромов. – Гарчи қонун фақат имзоланган ва олти ойдан кейин кучга кириши кутилсада, унга амал қилиш милиция ходимларига аллақачон тушунтирилиши керак эди”.

Ҳуқуқ фаолининг фикрича бу қонун мамлакат ва жамият ҳаётида муҳим аҳамиятга эгадир.

Бироқ, Ўзбекистондаги узоқ йиллик тажрибасидан келиб чиқиб у, бирдан эйфорияга ҳам берилмайди.

Қонун кучга кирганидан кейин ҳам унинг амалда ишлаши учун икки-уч йил ҳукумат рахбарлари, жамоатчилик вакиллари биргаликда анча тер тўкишлари лозим бўлади.

“Ўзбекистонда Ички ишлар органлари тўғрисидаги қонун аллақачон, 25 йил бурун қабул қилиниши керак эди. Бундай қонунсиз мамлакат, ўрта асрлардаги, қароқчилар ва ёввойилар мамлакатига айланади”, дейди у Eltuz.com нашрига берган интервьюсида.

eltuz.com

Тағин ўқинг
9 декабр 2019
Мажбурий меҳнат бюросининг Пастдарғом тумани бўлими бошлиғи Илҳом Ҳамдамовнинг 7 декабрь куни ўз вазифасидан озод этилишини мамлакатдаги ҳокимият таназзулининг ...
31 январ 2018
МХХнинг собиқ раиси Рустам Иноятов президентнинг сиёсий-ҳуқуқий масалалар бўйича давлат маслаҳатчиси этиб тайинланган. Ўзбекистон президентининг МХХ ва прокуратура ходимлари ...
5 июл 2019
Президент Мирзиёев 2017 йилнинг  13 июнидаги чиқишида ўзбек судьяларини одамларни ҳимоя қилмасликда, порахўрликда, ноҳақ қарорлар чиқаришда айблаган эди. Каримов ...
7 сентябр 2016
Ўзбек сегментида Каримов ўлимидан сўнг агрессив троллинг авж оларкан, ижтимоий тармоқда президент Ислом Каримов ўлими фонида унинг шахсини илоҳийлаштириш ...
Блоглар
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...