Дилором Амирхамзаева: «МХХ подполковнигига хотин бўлиб бахт топмадим»

Чирчиқлик 41 ёшли Дилором Амирхамзаева исмли аёл, эри, МХХ подполковниги бўлган Тўрабой Амирхамзаев уни болалари билан уйидан ҳайдаб чиқаргани ҳақида ҳуқуқ ҳимоячиларига арз қилди.

29 ноябр куни Ўзбекистон Ҳуқуқ ҳимоячилари альянси (ЎХА) тарқатган хабарга кўра, икки боласи билан яшаётган бу аёл, кекса МХХ зобитига турмушга чиқиб, эрининг фамилиясига ўтган.

Бироқ ЗАГСдан сўнг, эри билан рўшнолик кўрамагани, унинг ҳар куни ароқ ичиб, фоҳишалар билан билан юриш, қўшнилар устидан чақувлар ёзишини айтади.

Аёлга кўра, алкогол ва эркаклик потенциясини кўтарадиган хар хил дориворлар ичавериб, Тўрабой тўшагига хожатини чиқариб қўядиган одат чиқарган, унинг ички лозими ва кўрпа тўшакларини тозалаш ҳам аёлнинг вазифаси бўлган.

Эри шунингдек, уйга ҳар қандай одамни таклиф қилишни тақиқлаган. Никоҳигача бомж каби уй жихозларисиз яшаган, Дилоромнинг ўзи гилам ва айрим уй жиҳозларига пул сарфлашга мажбур бўлган.

Бугунги кунда, ЎХА тарқатган хабарга кўра, аёл уйидан ҳайдалган. Унинг эри судга ариза берган. Тўрабой ўз хизмат вазифасидан фойдаланиб унинг фарзандлари келажагини ҳам бадном қилиши мумкинлигини айтиб дағдаға қилмоқда.

Аёлнинг билдиришига кўра, Тўрабой ҳамиша ёнида докага ўралган пичоқ олиб юради. Олдинги хотинини ҳам, Туркияда фохишалик қилганликда айблаб болаларига қўшиб ҳайдаб юборганини айтади.

Eltuz таҳририяти воқеани ўрганиш учун аёлнинг эри МХХ подполковниги Тўрабой Амирхамзаев билан боғланишга икки марта уриниб кўрди. Бироқ, у дастлаб Элтуз мухбири унга ўзини таништирганидан сўнг, ўзини эшитмаганга солди. Иккинчи бор қўнғироқ қилганида эса бошқа телефондан қўнғироқ қилишни сўраб гўшакни қўйиб қўйди.

Eltuz.com