Бабаян футболчиларни сотиш учун ҳужжат сохталаштиришда айбланди

15 январь куни Ўзбекистон футбол федерацияси ижроқўми қарорига кўра, Самвел Бабаян «футболга алоқадор ҳар қандай фаолият билан шуғулланишдан умрбод» четлаштирилди.

Жумладан, ЎФФ расмий сайти «Пахтакор» жамоаси бош мураббийи бўлган Самвел Бабаяннинг футболчилар билан 2018 йил охиригача тузилган шартномаларни 2017 йил қилиб «ўзгартиргани» ҳақида ёзди.

ЎФФга кўра, Бабаяннинг бундан мақсади – йил сўнггида эркин ўйинчиларга айланадиган футболчиларни «ҳорижий клубларга сотиш» бўлган.

Шунингдек, Бабаяннинг миллий жамоани носоғлом ҳолатга келтиргани, футболчиларни ўз ҳолига ташлаб қўйгани, тажрибали мутахассислар тавсияларини ҳисобга олмагани қайд этилади.

Шу боис, 2018 йилги жаҳон чемпионатига саралаш ўйинларида ўзбек миллий жамоаси даражаси кескин тушиб кетган.

Самвел Бабаяннинг «бу каби нохолис фаолияти миллионлар ўйини бўлган футболга нисбатан халқнинг норозилигига сабаб бўлди», дея ёзади ЎФФ сайти.

Рассом Туз
Eltuz.com