Анвар қори сунъий кома ҳолатидан уйғонди

Диний идорага яқин бир манбанинг «Элтуз» нашрига билдиришича, 60 яшар Анвар қори Турсунов 1 май куни сунъий кома ҳолатидан уйғонган. Бу ҳолатда у салкам бир ой қолган.

«Қори ака уйғонибдилар. Одамларни таниб, оз-моз гаплашаётган эканлар», дея билдирди 4 май куни «Элтуз» суҳбатдоши.

Инсультга чалинган Тошкент шаҳри бош имом-хатиби Анвар қори Турсунов 2018 йилнинг 5 апрелидан буён кома ҳолатида қолаётган ва Республика шошилинч тиббий ёрдам марказининг нейрореанимация бўлимида сунъий нафас олдириш тизимига улаб қўйилган эди.

Фаолиятини ўтган асрнинг 80-йилларда “Ёшлик” журналида бошлаган Анвар Турсунов 1989-1992 йилларда Қуръони каримнинг биринчи таржимасига (шайх Алоуддин Мансур таржимаси) муҳаррирлик қилган.

2015 йилдан Юнусобод туманидаги «Минор» жоме масжиди имом-хатиби вазифасида фаолият юритаётган эди.

Eltuz.com