Асосий мавзулар
8 январ 2019

Швецияда террорчиликка алоқадорликда айбланаётган олти ўзбекнинг суди махфий залда бошланди

Швецияда террорчиликни молиялаш ва терактлар тайёрлашда гумон қилинган олти нафар ўзбек устидан суд 7 январь куни эрталаб Cтокгольм окгруг судининг махфий залида бошланди ва ўзбек таржимонлари етиб келмагани боис вақтинча кечиктирилди.

Соат 11.00 га яқин (битта ўзбек ва иккита рус таржимони етиб келгач) суд ўз ишини давом эттирди. Бундан аввал «Элтуз» ўз манбаларига таяниб маҳкаманинг Солна тумани судида ўтиши ҳақида хабар берган эди.

Уч нафар айбланувчи – Давид Идриссон (Фарҳод Тошмуҳаммедов), Бахтиёр Умаров, Отабек Абдуллаев кишанланган ҳолда суд залига келтирилди.

Бош прокурор Пер Линдквист (Per Lindqvist) суд ишини айблов томони хулосасини баён қилишдан бошлади.

Унинг билдиришича, швед махфий хизмати SAPO бўлажак жиддий миқёсдаги хавфнинг олдини олган. 

«Элтуз» нашри илгари хабар қилганидек, ўзбекистонлик Акромжон Эргашев, Ғулом Тожиев , Фарҳод Тошмуҳаммедов, Шоаҳмад Маҳмудов, Бахтиёр Умаров, қирғизистонлик Отабек Абдуллаевга қарши Стокгольм судида «Исломий давлат» (ИШИД террор ташкилоти)ни молиялаш ва Европа давлатларида кенг миқёсда террор актларига тайёргарлик кўриш айблови илгари сурилмоқда.

Судланувчиларнинг тўрт нафари 2018 йилнинг майида қўлга олиниб, уларнинг бири қўйиб юборилган. 29 декабрь куни яна уч нафар ўзбек ҳибсга олинган эди. Суд 11 февралига қадар давом этади. «Элтуз» нашри жараённи ёритиб боради.

Eltuz.com

Тағин ўқинг
2 феврал 2021
«Элтуз» шоир ва мухолифатчи Муҳаммад Солиҳнинг янги бадиий асари, фалсафий эссе форматида ёзилган – «Императив» китобининг аудиоверсиясини тақдим қилади. ...
22 ноябр 2023
Элтуз порталига йўлланган навбатдаги бешта мактубни ўқиймиз. Улар Ўзбекистоннинг Қашқадарё, Фарғона, Самарқанд ва Тошкент вилоятларидан келган. Дастлабки шикоят Қашқадарё ...
17 июн 2020
Менга берилган қамоқ жазосининг тугашига саноқли кунлар қолганида, яъни январь ойи ўрталарида ёнимга Антоненконинг чопари келди ва СПП Антоненко ...
18 март 2023
Қрим ярим ороли Россия армияси назорати остида 2014 йилнинг 18 мартида ўтказилган референдум натижасига кўра Россия таркибига қўшиб олинди. ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...