Асосий мавзулар
29 январ 2019

Президентпараст ёшлар уйсиз қолмоқда

Марҳум президент Ислом Каримовнинг суянгани уни салкам пайғамбар ўрнида кўрган ёшлар ва қариялар эди.

У бир парча нон учун хорижга чиқиб кетганларни “дангасалар” деб ҳақоратлаганида ҳам шулар унга қарсакбозлик қилганди.

Ўлгани ҳақида хабарлар пайдо бўлганида “президентимиз ўлмаган, бу гапларни ғаламислар тарқатяпти”, деганлар, ижтимоий тармоқларда гўёки ўликни тирилтиришга бел боғлаганлар ҳам шу ўзимизнинг ёшларимиз эди.

Унга қарши гапирганларнинг “пешонасини ўриб ёриш”га тайёр ана шундай ҳайбаракаллачи ёшларнинг бир гуруҳи бугун президент ваъда қилган уйни ололмай, овораи сарсон бўлиб юрибди.

Бу йигит-қизлар Ўзбекистон ёшлари иттифоқи ташкилоти, яъни янги президент аввалги давлат раҳбарига ҳаддан зиёд кўнгли суст кетган “Камолот”нинг ўрнига ташкил этган уюшманинг аъзолари.

Садоқати ва режимни мустаҳкамлашдаги хизматлари эвазига Ислом Каримов ҳукумати 2014 йилда уларнинг 630 нафарига Тошкентнинг Сергели туманидан уй-жой бериш ҳақида қарор қабул қилган.

Кейинчалик бу қарор янги президент имзолаган бошқа бир ҳужжат билан мустаҳкамланган бўлса-да, улар ҳамон уй-жойсиз қолмоқда.

Матбуотда тарқатилаётган хабарлардан маълум бўлишича, бу ёш оилаларнинг муаммосини ҳатто мамлакат ёшларининг кўп йиллик етакчиси Қаҳрамон Қуронбоев ҳам ёки ҳал қила олмаяпти, ёки ҳал қилишдан қочиб юрибди.

Мусофир юртда уй-жойсиз юриш ҳақиқатда жуда мушкул. Буни бошига тушганлар чуқур ҳис қилади. Ҳар кимнинг ҳам ўз бошпанаси бўлсин.

Собиқ “камолот”чи ёшларнинг уй масаласида матбуотда айтган гапларини ўқиб, бир жиҳатга эътибор қаратдим.

Мақола бу ёшларнинг “президентимиз, президентимиз”, деган гаплари билан тўла. Бирортаси “ватанимиз”, демаяпти.

Муаммоси ечимини топишга ҳам президентни қалқон қиляпти. “Кадрларимиз руҳлантирилмаса, яна чет элга чиқиб кетишлар бошланади”, деган дағдағага ўхшаган иддао ҳам бор гапларида.

Фақат президент, президент, деб эмас, олган уйим халқимга, ватанимга кўпроқ хизмат қилишимга асқатади”, деб айтинглар сизлар ҳам!

Одамлар сизларнинг тимсолингизда ўша Каримов маддоҳларини кўришдан безиб қолган. Қолаверса, бугунги президент сизлардан маддоҳликни эмас, халққа хизмат қилишни сўраяпти.

Сиз эса ҳалиям эски одатингиздан воз кечадиганга ўхшамайсиз. Ўша уйлар учун берилган сертификатларни бекор қилиб, уларни ҳеч бўлмаганда ҳақиқий илм йўлида бир иш қилаётган тенгдошларингизга бериш керак, дегим келади.

Лекин, начора, сизлар ҳам шу халқнинг фарзандларисизлар. Бошпанасизликдан худо сақласин.

Сизларга аталган уйлар ўзларингизга насиб қилсин. Лекин эски одатингизни ташланг…

Сардор Азим
Eltuz.com

Тағин ўқинг
21 сентябр 2016
Тошкент марказида тураман, балкондан олий мажлис кўринади, сал нарида прокуратура. Аммо шунча йилдан бери дом олдидаги бир уюм чиқинди ...
12 июн 2019
Швед апелляция суди «Исломий давлат» террор ташкилотининг Швециядаги портлашларини уюштиришда айбланиб етти йилга қамалган 46 яшар Фарҳод Тошмуҳаммедов (Швецияга ...
25 март 2019
Россия ва Хива хонлиги ўртасидаги Гандимиëн шартномасига кўра, 1873 йили Хива хонлигида қулдорлик бекор қилинди. Ўша йилнинг 12 августида ...
23 май 2021
Бугун Туркистон халқининг миллий озодлиги учун курашган Мунавварқори Абдурашидхоннинг НКВД жаллодлари томонидан ўлдирилган кундир. Мунавварқори 1878 йили Тошкентда туғилди. ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...