Асосий мавзулар
30 сентябр 2019

Фарғона ҳокими соқол ва рўмолга қарши “уруш” очди

Тошкентнинг “Малика” маиший техника бозорида соқоллиларнинг қиртишланишидан кишти келган Фарғона вилояти ҳокими Шуҳрат Ғаниев соқол ва ҳижобга қарши “уруш” очди. 

Ўзбекистонда дин назорати билан шуғулланувчи ташкилотлардаги ўзгаришлар фонида ҳокимнинг бу жангу жадали мантиқли туюлади. 

Зеро, сўнгги вақтларда мамлакатда диний эркинликларнинг гўёки кенгайиши ортидан ўзгача (бу ўринда мавжуд ҳокимиятга мос келмайдиган даражада) фикрловчи диндорларга нисбатан сиёсат ўзгармаётгани кўзга ташланмоқда. 

Масалан, диний мавзуда ёзадиган блогерларга муносабат, ҳижоб масаласида бўлаётган турли можаролар ва дин билан боғлиқ бошқа турли хабарлар шундан дарак беради. 

Назаримизда, сўнгги вақтларда мамлакатда бир мунча юмшаган диний сиёсатни қаттиққўллаштиришга интилиш сезилаётгандек.

Шуларни ҳисобга олсак, Фарғона ҳокимининг соқол ва ҳижобга муносабати сабаблари ойдинлашади. Аслида бу сабаблар ортида Каримов режимининг догмалари ётади.

Ислом Каримов ва унинг режими дунёвий мухолифатни ҳам, диний мухолифатни ҳам ўз қудратининг душмани сифатида кўрар эди. 

Дунёвий мухолифатдан фарқли ўлароқ, диний мухолифатнинг радикал кайфиятдаги муайян гуруҳи қуролли кураш йўлини танлагани режимнинг кенг кўламли қатағонларига йўл очиб берган эди. 

Натижада ўн минглаб бегуноҳ кишилар диний айбловлар билан қамоқхоналарни тўлдирди, уларнинг бир қисми бугун ҳам озодликка чиққани йўқ. 

Йигирма беш йиллик мана шу қатағон ва қўрқув сиёсати бугун ҳам амалда қолаётган аксарият амалдорларнинг шуурига сингиб қолган. 

Улар диннинг ҳар бир атрибутига, хусусан, соқол ва ҳижобга ўз қудратининг душмани сифатида қарайди, диний эътиқодни дунёвий жамиятга рақиб ҳисоблайди. 

Бугунги Ўзбекистонда ҳозир бу масалада юритилаётган сиёсатга икки хил қараш мавжуд.

Аксарият кўпчилик берилган диний эркинлар сабаб айрим диндорлар ҳаддидан ошиб, ўз ҳаёт тарзи ва фикрини бошқаларга ҳам тиқиштиришга уринаётганидан хавотир билдирмоқда. 

Айримлар эса диндорларга берилаётган эркинликларни жамиятдаги коррупция, ҳаёсизлик каби иллатларнинг янада кенг тарқалишига тўсиқ сифатида кўраётир. 

Хўш, қайси бир гуруҳнинг тутган йўлига, фикрига қўшилиш мумкин? 

Бу саволнинг жавоби жуда чигил ва мураккабдир. Айниқса, дин бўйича чуқур билимга эга бўлмай аниқ бир муносабат билдириш ҳам қийин. 

Лекин ривожланган жамиятлар тажрибасидан келиб чиқиб, мантиқли кўринадиган бир хулоса ҳам бор.

Бу хулоса шундан иборатки, Ўзбекистон учун диний эркинликлар ҳимоя қилинадиган дунёвий жамият зарур!

“Элтуз” ҳамкори

Тағин ўқинг
13 ноябр 2017
Қозоғистоннинг Сайрам туманида яшовчи 34 ёшли Хайрулла Норметов “ўрис динига кириб кетгани учун” хотинининг қорнига пичоқ тиққанини иддао қилиб, ...
7 декабр 2018
Ака-ука Бобожоновларнинг уйларини мусодара қилиш қарорини Урганч тумани суди ўз кучида қолдириши ортидан 5 декабрь куни журналистларнинг адвокати ишни ...
20 апрел 2017
Таниқли журналистлар Шуҳрат, Қудрат ва Хурмат Бобожоновларнинг Урганч туманида яшовчи онаси Шукуржон Мадраҳимованинг айтишича, у 18 апрел куни ўз ...
5 март 2020
Ўзбекистон Республикаси ҳарбий суди 4 март куни “Ватанпарвар” газетаси мухбири 68 яшар подполковник Владимир Колошинни 12 йилга озодликдан маҳрум ...
Блоглар
30 март 2020
(Эпистолял эссе) Марҳабога Кўпинча адабий муҳитдан чарчаганимда сенга сим қоқаман. Балки, опамдек яқиним бўлганинг учундир ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...
21 март 2020
Кейинги 6 ой давомида биз уларни урдик, калтаклаб майиб қилдик. Бонусига порахўрсан, таъмагирсан, дедик. Машина ...