• Фото: www.remdizel.com
Асосий мавзулар
30 октябр 2019

Ўзбекистонга “Тайфун” келди

Афғонистондаги сиёсий вазият барқарорлашмас ҳамда у ердаги амалдаги ҳукумат ва “Толибон” радикал гуруҳи ўртасида мамлакатда тинчликни таъминлаш масаласи ҳал этилмас экан, Ўзбекистон ўзининг ҳарбий салоҳиятини ошириб боришга мажбурдир.

Ўзбекистон Россиядан харид қилган “Тайфун-К” К-53949 зирҳли машиналарининг катта партияси буюртмачига етказиб берилгани ҳақидаги хабарларни шарҳлаган “Элтуз” манбаси шундай деди.

Хабарларга қараганда, ҳарбий машиналар мамлакатнинг Жануби-ғарбий махсус ҳарбий округи (айнан Афғонистон йўналишига масъул) ихтиёрига берилган.

Шунингдек, Ўзбекистон К-53949’ни қуролли кучлари таркибига қўшган илк хорижий давлат бўлгани ҳам айтилмоқда.

Сўнгги йилларда Ўзбекистон ўз армиясининг салоҳиятини оширишга жиддий эътибор қаратаётганини кузатиш мумкин. Қўшинларни қайта жиҳозлаш 2018-2021 йилларга мўлжалланган махсус дастур асосида амалга оширилмоқда.

Маълумотларга кўра, Ўзбекистоннинг ҳарбий бюджети 1,4 миллиард долларни ёки ЯИМнинг қарийб 4 фоизини ташкил этади.

Президент Шавкат Мирзиёев даврига келиб жадал иқтисодий ривожланиш сиёсатини эълон қилган мамлакат учун ҳарбий мақсадларга бундай катта маблағ сарфлаш қанчалик ўринли, деган савол туғилиши мумкин.

“Тинч яшашни ва ривожланишни истасак, аввало, армиямиз қудратини оширишга мажбурмиз. Чунки биз ўта беқарор минтақада жойлашганмиз. Афғонистон тинчимас экан, биз армия учун имконимиз етганча пул ажратмасак бўлмайди.

Тўғри, бу иқтисодиётимизни модернизациялаш жараёнларига салбий таъсир этади. Аммо мамлакатнинг ишончли мудофаасини таъминлаш биринчи навбатдаги масаладир”, деди “Элтуз” билан суҳбатлашган манба.

2014-2015 йилларда АҚШ Ўзбекистонга MRAP типидаги илгари фойдаланишда бўлган 328 та зирҳли машинани беғараз берганди.

“Ўзбекистоннинг улардан фойдаланиши анча катта харажатларни талаб қилади. Чунки уларнинг эҳтиёт қисмлари жуда қиммат ва мамлакат бу зирҳли машиналар имкониятларидан тўлиқ фойдаланишда қийналмоқда”, дейди “Элтуз” манбаси.

Унинг таъкидлашича, Ўзбекистондаги ҳарбий техниканинг 95 фоиздан ортиғи айнан собиқ иттифоқда ва Россияда ишлаб чиқарилган. Шунинг учун ўзбек ҳарбийлари учун ўзларига таниш бўлган бундай техникаларнинг янги турларидан фойдаланиш қулайроқ.

Сўнгги йилларда Ўзбекистон Россиядан БТР-82А, “Тигр” зирҳли автомобиллари ва “Сопка-2” радиолокацион тизимларини харид қилди. Шунингдек, мамлакат 12 та Ми-35М жанговар вертолётини сотиб олиш бўйича келишувни имзолаган. Айни пайтда Як-130 ҳарбий ўқув самолётлари бўйича ҳам музокаралар ўтказилмоқда.

Як-130 самолётидан Россияда ҳарбий учувчиларни замонавий жанговар учқичларни бошқаришга ўргатишда фойдаланилади.

Ўзбекистон айнан Як-130 ни харид қилмоқчи бўлаётгани эса мамлакат ўзининг ҳарбий ҳаво кучларини янгилаш ниятида эканига ишора қилади.

“Ўзбекистоннинг ҳарбий авиацияси жуда эскирган. Ҳозир жанговар сафда бўлган Миг-29, Су-24 каби самолётларнинг ишлаб чиқарилганига 30 йилдан ошиқ вақт бўлди.

Шунинг учун яқин истиқболда Ўзбекистон Россиядан Су-30 кўп мақсадли қирувчиларини сотиб олиши ҳақида хабар чиқиб қолса, асло ажабланмайман. Т-90 танкларининг Ўзбекистонга етказиб берилиши борасида ҳам шундай фикрдаман”, деди “Элтуз” манбаси.

Eltuz.com

Тағин ўқинг
12 июн 2019
Швед апелляция суди «Исломий давлат» террор ташкилотининг Швециядаги портлашларини уюштиришда айбланиб етти йилга қамалган 46 яшар Фарҳод Тошмуҳаммедов (Швецияга ...
27 октябр 2022
1923 йилнинг 13 декабрда Тошкентда РCП (б) Марказий қўмитаси Марказий бюросига Туркистон ССРнинг 30 таниқли «қирғиз ишчилари» томонидан ...
15 сентябр 2015
Ушбу сухбатни эътиборингизга хавола этишдан олдин хозирги кунда жахон хамжамиятининг эътиборини тортаётган холат, «Узбекистонда мажбурий мехнат» ва «пахта сиёсати» ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май арафасида боғ ҳудудини тозалаш ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...