Асосий мавзулар
7 октябр 2020

Комил Алламжонов иши: Avtotest Report компанияси

Комил Аллламжонов томонидан асос солинган, ҳайдовчиларни ўқитишга ихтисослашган Avtotest Report компанияси 2017 йилда ҳукумат қарори билан тўла монополия ҳуқуқини қўлга киритган эди. 

Комил Алламжоновнинг бизнес лойиҳаларида давлатнинг роли айнан “Автотест” мисолидаянада яққолроқ кўринади. 

“Avtotest Report” тарихи 2012 йилга бориб тақалади. Бу даврда Алламжонов Давлат солиқ қўмитасида гапи ҳар ерда ўтадиган амалдорлардан бири эди. 

Аммо компания акциядори сифатида Алимбобоев Бобур Баҳодирович номи кўрсатилган бўлса-да, “Автотест”га тегишли патент эгаларидан бири Комил Алламжонов ҳисобланади. 

Бобур Алимбобоевнинг фейсбукдаги саҳифасида у “Солиқ инфо” ходими экани айтилган. Бу йигит Pomidor Entertainment компанияси акциядори ҳам ҳисобланади. 

Аммо кейинчалик “Миллий” телеканали номини олган бу компания Комил Алламжоновга ўтган.  Давлат реестридаги ёзувлар шундан далолат беради. 

“Автотест”га монопол ҳуқуқ тақдим этадиган илк ҳужжат Шавкат Мирзиёев ҳали бош вазир бўлган 2015 йилда у томонидан имзоланган қарордир. Унда “Автотест” ва 51 фоиздан ортиқ акциялари “Автотест”та тегишли ташкилотларга Ўзбекистонда автотранспорт воситалари ва шаҳар электромобиллари ҳайдовчиларини ўқитиш ва қайта ўқитиш ҳуқуқи тақдим этилишига розилик берилиши ҳақида сўз боради.

Қарорда қуйидагилар ёзилган: “Қорақалпоғистон Вазирлар Кенгаши ва вилоятлар ҳокимликлари “Автотест репорт” МЖЧнинг сўровига кўра бир ой муддатда вилоятлар марказларига яқин ҳудудлардан ўқув мажмуалари  қуриш учун 3 гектардан кам бўлмаган ерларни текин тақдим этишни таъминласин”.

Қарорда “Автотест” ер учун йиллик ижара ҳақид ёки қандайдир бошқа маблағ тўлаши ҳақида ҳеч нарса айтилмаган. Яъни бош вазир Шавкат Мирзиёев хусусий компанияга давлат ерини шунчаки тақдим этиб юборяпти.

2017 йилда амалдаги бош вазир Абдулла Арипов томонидан “Автотест” фойдасига чиқарилган навбатдаги қарор ҳаммасидан ўтиб тушди. 

Бу қарорда 2018 йилдан бошлаб юридик шахсларга тегишли автотранспорт воситалари ҳайдовчилари ҳар икки йилда бир марта “Автотест” ўқув марказларида малакасини ошириши мажбурий этиб белгиланди. 

Ҳукуматнинг хусусий компания манфаати йўлида бу каби очиқдан-очиқ ҳужжатлар қабул қилиши замонавий дунёда камдан-кам кузатиладиган ҳодисалардан биридир. 

Ҳукуматнинг Комил Алламжонов асос солган бизнес учун кафолатли монопол бозор яратишга бу уриниши жамоатчиликнинг кескин норозилигига сабаб бўлди. 

Эслатиш жоизки, қарор қабул қилингандан сўнг кўп ўтмай Алламжонов президентнинг матбуот котиби этиб тайинланганди.  

Аммо жамоатчиликнинг кескин норозилигидан сўнг ҳукумат ўз қарорига ўзгартириш киритиб, тегишли талабларга жавоб берадиган бошқа фирмалар ҳам бу иш билан шуғулланиши мумкинлигини маълум қилди.

Шунга қарамай, 2019 йил августда Монополияга қарши курашиш давлат қўмитаси “Автотест” ва унинг шўъба компанияларидан ташқари бошқа бирорта фирмага юридик шахслар ҳайдовчиларини қайта ўқитиш фаолияти билан шуғулланишга лицензия берилмаганини билдирди. 

Ҳолбуки, бу вақтда мамлакатда ҳайдовчиликни ўргатиш билан шуғулланадиган ўнлаб фирмалар фаолият юритарди.

Бундан кўринадики, қонунчиликдаги ўзгаришга қарамай, 2019 йилда ҳам “Автотест” ўзининг бу бозордаги устувор монополия ҳуқуқидан аввалгидек фойдаланиб келган. 

Тағин ўқинг
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга олишга боргани ҳақида ёзди: ...
24 июл 2018
Совет ҳукумати синфийлик жамиятини йўқотиш, ҳамманинг тенглиги йўлида 70 йил сиёсат юритди. Ислом Каримов эса “Бизда ўта бойлар ҳам, ...
14 апрел 2016
Мақола муаллифининг ёзғиришича, глобал тармоқдаги турли маълумотлар ёшлар онгига салбий таъсир ўтказиши, уларнинг ахлоқий жиҳатдан тубанлашувига, зарарли ғоялар таъсирига ...
19 январ 2017
Истанбул Террорга қарши мужодала шўъба мудирлигида 45 соатдан бери давом этаëтган терговда Ўзбекистон ватандоши Абдуқодир Машариповнинг терговчилар саволларига берган ...
Блоглар
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...
11 январ 2021
Таниқли шоир Баҳром Рўзимуҳаммад 60 ёшда Баҳром ака индамайгина олтмишга кирибди. Ботинан қаралганда, ундай эмас. ...