Асосий мавзулар
22 декабр 2021

Фарғонада туғруқхона тўлғоқ тутган аёлни қабул қилмади

Декабрь ойи ўрталарида интернетда Фарғона вилояти туғруқхонасига келган туғроқ ҳолатидаги аёл пропискаси бошқа жойда бўлгани сабабли шифокорлар томонидан қабул қилинмагани иддао қилинган видео тарқалди.

Унда кўринишича, тўлғоқ азобидан қийналаётган аёл оғриққа чидолмай, яқинлари билан биргаликда туғруқхона йўлагида шифокорлар билан тортишмоқда.

Маълум бўлишича, туғиш пайти яқин қолган ҳомиладор аёл оиласи билан туғруқхонага келади ва бош шифокор уларни қабул қилмасдан, яшаш жойига кўра белгиланган шифохонага боришини айтади. Аёлнинг тўлғоғи келгани унинг дардли овозидан билинади.

Шифокор ҳомиладор аёлнинг чорасиз эри жараённи видеотасвирга олаётганини кўриб, олдидаги ходимларига буюради: “Хотинларнинг олдига кирмасин у. Олинг қўлидан, ненормальный, сумасшедший. Телефонидан (видеони) ўчирмагунича чиқарманг”.  

Шифокор беморни қабул қилиш ўрнига уларни ҳайдаб солиш мақсадида “ички ишлар ходимларини чақиринглар”, дея бир неча маротаба такрорлаганини эшитиш мумкин. У туғруқ ҳолатидаги аёлга ёрдам кўрсатиш ўрнига унга чиқиш эшигини кўрсатиб судрайди.

Тўлғоқ оғриғидан азобланаётган аёлини шифокор судраётганини кўрган турмуш ўртоғи унга қаршилик кўрсатгач, уни врач “ҳароми, тегма, эрим буни билса, сени нима қилишини биласанми”, дея ҳақорат қилади.

Ҳомиладор аёлнинг қариндошларига кўра, шанба куни кечқурун келинининг тўлғоғи бошланган. Оила аъзолари тез тиббий ёрдам чақирган ва у вилоят туғруқхонасига олиб борилган.

Врачлар аёлни текширувдан ўтказиб, ҳали туғишга тайёрмаслигини айтиб, уларга қарашли бўлмаган бошқа ҳудуддан келгани сабабли қабул қилмайди. Аёлнинг аҳволи оғирлиги сабабли яқинлари тез тиббий ёрдамда бошқа шифохонага олиб бориш учун ёрдам сўрайди. Аммо буни ҳам рад этишади.

Шифокорлар уларга қўпол муомала қилади ва бу туғруқхонада ётиш учун айрим тўловлар борлиги, ундан кўра ўз ҳудудига боришса, ҳаммаси бепул бўлишини айтишади. Аммо ҳомиладор аёл қаттиқ оғриқдан қийналаётган эди. Шу сабабли унга ёрдам беришлари керак эди.

Навбатчи врач уларни бош врачнинг олдига юборади. Видеода бош врач улардан пул тўлашини талаб қилиб, ҳақоратлайди. Шунда улар бош врачдан туғиш ҳолатидаги аёлни шифохонага қабул қилмаётганининг сабабини ёзма равишда тушунтиришни талаб қилишади.

Аммо у буни рад қилгач, аёлнинг чорасиз қолган яқинлари жараённи тасвирга ола бошлагач, бош шифокор жазавага тушиб, бақиришни бошлайди, ҳақорат қилади. Беморни олиб чиқиб кетишларини айтади.

Уларнинг тасвирга олаётганини кўриб, қаршилик қилишга уринади. Аммо тўхтата олмагач, беморни шу туғруқхонада туғдиришга қарор қилади. Бироқ қариндошлар унга энди ишонмайди, қасддан ёмонлик қилишидан хавфсираб, тез тиббий ёрдам машинасида (баъзи маълумотларга кўра, ўзларининг шахсий машинасида) зудлик билан Фарғона тумани туғруқхонасига олиб боришгач, аёлнинг кўзи ёрийди.

Беморнинг қариндоши Фарғона вилояти туғруқхонасида уларга қўпол муомала қилиб, тегишли тиббий ёрдам кўрсатмаган шифокорларга қонуний чора кўрилишини сўраб мурожаат этган. 

Eltuz.com

Тағин ўқинг
14 апрел 2021
Навоий вилоятининг Хатирчи туманида 2021 йилнинг 2 февраль куни фермер Музаффар Муҳаммадиевнинг қабри очилди. 55 ёшли фермернинг жасади ўтган ...
7 ноябр 2016
Вазирлар махкамасининг 7 октябр қарорига асосан Тошкентда кўплаб уй эгалари ва ижарада турувчилар текширилаётгани билдирилмоқда. Ўзбекистоннинг расмий ЎзА агентлиги ...
25 октябр 2019
«Отангни онангга бепардоз кўрсатма. Яхшисини ошир – ëмонини яшир. Отангни ўлдирганга онангни бер. Эгилган бошни қилич кесмайди». Бу ўзбек ...
17 октябр 2020
Сирдарё вилоятининг Сирдарё туманидаги “Дўстлик” МФЙда яшовчи 29 ёшли Фарруҳ Каримжонов уйига қарздорликни сўндиришни сўраб келган туман газ идораси ходими 50 ёшли Қаҳрамон Шомуродовни пичоқлади.  ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...