Asosiy mavzular
6 sentyabr 2016

Yulduz Usmonova: «Yurtboshi o‘lgani bilan qurilgan sistema o‘lgani yo‘q!»

Yulduz Usmonova 5 sentyabr kuni yutub kanaliga qo‘ygan yangi videomurojaatida Karimovning janozasi haqida gap boshlab, unga dunyoning butun podsholar o‘tirib havas qilganini aytdi.

«Shogirdlariyam juda chiroyli janazalar qilishdi», dedi u. Ammo shu gapining o‘zida uni tashqaridagilar ham ko‘rib o‘tirishganiga sha'ma qilib «hadeb ko‘zyoshini reklama qilish shartmi, yonu verimdagilar buni ko‘rayapti» dedi.

2012 yili Shimoliy Koreya xalqining dodasi, «mangu prezidenti», diktator Kim Chen Ir vafot etganida mamlakatda uch kun emas uch yil motam e'lon qilingan, ommaviy motam miqyosi solishtirganda O‘zbekistondagi ohu-vohlar arzimas darajada bo‘lganini sezish qiyin emasdi.

«Ahir biz Shimoliy Koreyada yashayotganimiz yo‘g‘u» dedi Yulduz Usmonova.

Usmonova e'tirozlari

Butun murojaat davomida Yulduz Usmonovaning muxolifatga bo‘lgan ochiq dag‘dag‘asi sezilib turadi.

Turkiyadaligida yashaganida uni muxolifat tarafga og‘dirish uchun izidan quvlab yurishgani, xatlar yozishganini eslaydi.

Biroq, kimlarni nazarda tutayotganini ochiqlamaydi.

Muxolifat bugungi davrda turli taraflar pozitsiyasini aks ettirishini, o‘zbek jamiyatida ham dunyoviy, ham diniy muxolifat borligi, ular orasida ham ancha oqimlar borligini unutadi.

Karimov janozasiga tahorat olib Qur'on tilovat qilganini aytarkan, ayni vaqtning o‘zida «yolg‘ondakam ro‘mol o‘rab, namoz o‘qish» g‘oyasini qoralab o‘tadi.

Yulduz Usmonovaga ko‘ra Karimovning ma'rakasi haqiqiy musulmonchasiga o‘tdi, muxolifatning g‘oyalari esa yolg‘ondakam…

Nomsiz muxolifatni «kursi uchun», «pul uchun» harakat qilayotgan g‘oyasiz, xalqdan uzoqlashgan deya ayblarkan, «Hadeb 200 ming odam o‘lgan deyishni bas qiling!» deya stolni mushtlaydi. Uningcha, 8 million odam baxtli yashamoqda. Faqat tag‘in mavhum qoidaga amal qilib, bu raqamlarni qaerdan olganini aytmaydi.

«Kerak bo‘lsa, sahnayam ochiladi»

Yulduz Usmonova hech narsani bilmaydigan go‘l va nodon trollardan emas.

Masalan, diktator uchun ommaviy sahna ko‘rinishlari qanday yaratilishidan u yaxshi xabardor.

Tirikligida aytgan qo‘shiqlaridan divident ololmadiki, o‘lganidan keyin bir foyda topishi dargumonligini ham u yaxshi biladi.

Shuningdek, o‘zini arazlardan ustun ekanini ko‘rsatish uchun, san'atkorlarni hukumatdan «arazlab» intervyu bermaslikka chaqiradi, o‘zini fabrikada ishlayotgan qilib, sahnadan chetlatilganini eslata turib, asosiy muddaoga o‘tadi, mavjud sistemadan umidvor ekaniga ochiq sha'ma qiladi:

«Kerak bo‘lsa sahnayam ochiladi! Yurtboshi o‘lgani bilan, sistema o‘lgani yo‘q. Demak, xudo xohlasa davomidayam yashaymiz…»

Eltuz.com

Tag‘in o‘qing
16 fevral 2021
Navoiy viloyatining Xatirchi tumanida o‘nlab fermer, bog‘bon va dehqonlar hokimlik tomonidan imzolangan yer bilan bog‘liq hujjatlarni noqonuniy, deya iddao ...
2 sentyabr 2022
Bundan 31 yil oldin O‘zbekistonning oz sonli intelegentsiyasi mustaqillik tarafdori edi. Aksar avom esa, qachon aroq yana arzon bo‘lar, ...
25 sentyabr 2017
O‘zbekistonda majburiy mehnatni to‘xtatish qarori to‘liq ishlamayotgani haqida «Eltuz» nashriga xabarlar kelmoqda. Talabalar paxtadan qaytarilishi ortidan, terim yuki qishloq ...
24 avgust 2023
Toshxo‘jaev Doniyor Toshkent shahar IIBB boshlig‘ining 1-o‘rinbosari lavozimiga tayinlandi. Hozirgacha mazkur lavozimda bo‘lgan Ulug‘bek Tursunov Ichki ishlar vazirligining 7-bo‘limiga ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...