Asosiy mavzular
4 oktyabr 2016

Selektor majlisi qatnashchisi qurbon bo‘ldi

Uchko‘prik tumanidagi 1-MTM (maktabgacha ta'lim muassasasi) mudirasi 29 sentyabr kuni kechasi paxta terimiga bag‘ishlangan selektor majlisiga ketayotib, hokimiyat binosi qarshisidagi yo‘lni kesib o‘tayotganida, uni katta tezlikda kelayotgan mashina urib yuborgan, bu haqda RayONO (hozirgi paytda xalq ta'limi muassasalari faoliyatini metodik ta'minlash va tashkil etish bo‘limi)dagi eltuz.som manbasi xabar berdi.

Bu xabarni cho‘lda paxta terayotgan ayni maktabgacha muaassasa xodimlarini janozaga olib borgan taksi xaydovchisi ham tasdiqladi…

“Yarim kechasi janozaga kelgan bog‘cha xodimlarini yana yotoqqa olib borib qo‘ydim. Ular juda achinishayapti, uch nafar farzandi yetim qolibdi», deydi u.

Farg‘ona viloyat xalq ta'limi muassasalari faoliyatini metodik ta'minlash va tashkil etish bo‘limidigi eltuz.com nashri manbasiga ko‘ra, har kuni kechki soat 7.30 dan tumandagi barcha mansabdorlar – bank boshqaruvchilari, moliya, soliq, IIB,prokuratura vakillari, maktab direktorlari va bog‘cha mudiralari, QFYlar raislari selektorga yig‘iladi.

U shuningdek, selektor majlisida paxta terimining borishi, unda byudjet idoralarining ishtiroki muhokama etilishi.

Mutlaqo qishloq xo‘jaligiga aloqasi bo‘lmagan muassasa raxbarlari, jumladan halok bo‘lgan bolalar bog‘chasi mudirasidan ham paxta normasi talab etilishini aytadi.

Unga ko‘ra, selektor yig‘ilishi kunlik ish tugaganidan keyin, ba'zan kechki 8 da, ba'zan 9 da boshlanadi.

«Erkaklarku mayli, hatto ayollar ham uyiga tungi 11, 12 lardang keyin kirib borayapti», – deydi har kuni selektor majlisida qatnashayotgan maktab direktorlaridan biri eltuz.com muxbiriga.

Paxta kompaniyasi davrida har yili turli sabablar bilan o‘nlab fojiali voqealar qayd etiladi, bu yilgi mavsum ham bunday holatlardan mustasno bo‘layotgani yo‘q.

Bu yil, Ozodlik radiosi xabarlariga ko‘ra, majburiy paxta terimi siyosati bilan bog‘liq kamida ikkita odam o‘limiga olib kelgan voqea yuz bergan.

Xususan, 28 sentyabr kuni tibbiyot xodimlari dalada paxta terayotgani sababli, to‘lg‘oq bilan «Tez yordam»da G‘uzor tug‘ruqxonasiga olib kelingan 21 yashar ayolga qariyb bir sutka hech qanday tibbiy yordam ko‘rsatilmagani bois uning chaqalog‘i olamdan o‘tgan.

11 sentyabr kuni esa Andijon viloyatida majburiy paxta terimiga jalb etilgan Universitet talabasi Komiljon Azimov halok bo‘lgan.

Eltuz.com

Tag‘in o‘qing
23 may 2023
Calom qadrli muxlislar Eltuz portaliga kelgan navbatdagi beshta xatni o‘qiymiz. Ular Tashkent, Qashqadaryo va Camarqand viloyatlaridan kelgan. Dastlabki shikoyat ...
2 mart 2018
19 yillik tutqunlikdan keyin «Erk» demokratik partiyasi faoli 54 yoshli jurnalist Yusuf Ro‘zimurodov 22 fevral kuni Chirchiq qamoqxonasidan ozod ...
10 fevral 2021
AQShning navbatdagi 46-prezidenti ham yana o‘sha qarorgoh – Oq uyga ko‘chib o‘tdi. O‘zbekistonda esa prezidentning uchta qarorgohi bor – Oqsaroy, ...
7 noyabr 2018
Hokimlik mulozimlari va fermerlarga kesak ushlatib, suvli ariqqa tushirib, mashina oldida yugurtirib sazoyi qilgan amaldor Zoyir Mirzaev ishdan olingach,  ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...