Asosiy mavzular
27 oktyabr 2016

Raqamsiz byudjetlar muhokamasi

«Milliy tiklanish» gazetasi (26.10) shu nomdagi partiyaning parlamentdagi fraktsiyasi yig‘ilishida 2017 yilga mo‘ljallangan byudjetnoma – davlat byudjeti, davlat maqsadli jamg‘armalari byudjetlari loyihalari, soliq va byudjet siyosatining asosiy yo‘nalishlari ko‘rib chiqilganini bildirdi.

E'tiborlisi shundaki, bu haqdagi kattagina hajmli maqoladan byudjetga oid birorta summani topa olmaysiz. Unda faqat quruq foizlar keltirilgan.

«Keyingi yil uchun … YaIMning 7,8 foizga, sanoat mahsulotlari ishlab chiqarish 6,9, qishloq xo‘jaligi 6,2, kapital qo‘yilmalar hajmi 9,6 foizga o‘sishi asos qilib olingan», deyiladi maqolada.

Shuningdek, davlat byudjeti loyihasida ijtimoiy xarajatlarni moliyalashtirishga qariyb 60 foiz mablag‘ ajratilishi ko‘zda tutilayotgani uning ijtimoiy yo‘naltirilganidan dalolat ekani ta'kidlanadi.

Eng muhimi, bu foizlarning hech biridan byudjet loyihasida aynan qaysi sohaga qancha miqdordagi mablag‘ ajratilishi nazarda tutilganini bilish imkonsiz.

Aslida davlat byudjetining summalari ko‘p yillardan beri xalqdan sir tutib kelinadi. Milliy xavfsizlik, mudofaa, ichki ishlar sohalariga ajratiladigan mablag‘ miqdori esa yetti parda ortida maxfiy saqlanayotganini aytmasa ham bo‘ladi.

Ko‘rinib turibdiki, bechora deputatlar o‘zlari bilmagan narsalarni muhokama qilish bilan ovora. Nima qilsin, axir ular ham o‘zlarini ishlayotgandek ko‘rsatishi kerak-da!

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
11 avgust 2021
“Tolibon” yetakchilari chegaralarni nazorat ostiga olgandan keyin qo‘shni davlatlarga hujum uyushtirilmasligini va'da qilmoqda”, deydi Rossiyamudofaa vaziri. Al Jazeera axborot ...
12 aprel 2016
Tez-tez xorijga chiqib turadigan fuqaroni profilaktika inspektori tibbiy komissiyadan o‘tishga majburlaganiga oid masalani o‘rgangan «Adolat ko‘zgusi» gazetasining yozishicha, militsiya ...
6 iyun 2022
Bosh prokuratura tomonidan tibbiyot xodimlari faoliyatiga to‘sqinlik qilish va ularga nisbatan zo‘ravonlik holatlarining oldini olish maqsadida qonun loyihasi ishlab ...
30 avgust 2016
Kecha, 29 avgust kuni, qator internet nashrlari, O‘zbekiston prezidentining o‘limi haqidagi xabarni chop qildi, jumladan biz ham. Hozirga qadar ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...