Asosiy mavzular
7 fevral 2017

Pensiya jamg‘armasi yolg‘oni fosh bo‘ldi

«Adolat ko‘zgusi» gazetasi ancha vaqtlardan buyon pensiyasi yoki nafaqa pullari o‘zlarining roziligisiz plastik kartochkaga o‘tkazib berilayotgani, bu esa turli noqulayliklar tug‘dirayotganidan shikoyat qilgan fuqarolarning murojaatlariga mutasaddilarining javoblarini e'lon qilib keladi.

Aksariyat hollarda bu shikoyatlar turli bahonalar bilan hal etilmasdan yoki to‘liq hal etilmasdan qolib ketayotganiga guvoh bo‘lardik.

Gazetaning navbatdagi sonida ham (2.02) Surxondaryoning Angor tumanilik pensionerning bu boradagi shikoyatiga javob e'lon qilindi.

«Plastik kartochkaning afzalliklari tushuntirildi» sarlavhali maqolada garchi shikoyatchi pensiya puli o‘zining roziligisiz bank kartasiga o‘tkazilayotganini aytsa-da, Pensiya jamg‘armasining Surxondaryo viloyati boshqarmasi boshlig‘i buning teskarisini bildirgan.

Ya'ni pensiya shikoyatchining o‘z arizasiga ko‘ra va bank bilan imzolangan shartnomaga asosan plastikka o‘tkazib berilayotganini ma'lum qilgan.

O‘zbekistonda pensiya, nafaqa va ish haqlari majburan plastik kartochkaga o‘tkazib kelinayotgani aslida hech kimga sir emas. Lekin mutasaddilar ko‘zini lo‘q qilib «o‘z roziligi bilan o‘tgan», deyaveradi.

Pensiya jamg‘armasidagilarning yana «plastik kartochkaning afzalliklarini tushuntirgani»ga nima deysiz.

Buni «tushunmagan» prezident esa kuni-kecha pensiya va nafaqalarni faqat naqd pulda berish to‘g‘risida qaror qabul qilib o‘tiribdi.

Endi Pensiya jamg‘armasi boshliqlari o‘z yolg‘onidan tonadimi yoki plastikning afzalliklarini «ko‘ra olmagan» prezidentdan norozi bo‘lib, dardini kimga aytishni bilmay ich-etini yeb yuraveradimi?!

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
3 dekabr 2020
Namanganning yangi hokimi Shavkat Abdurazzaqov MIB xodimlari tomonidan uyidan chiqarilishiga norozilik sifatida o‘zini yoqib halok bo‘lgan Gulandom Dadaboevaning onasi ...
19 may 2017
Alisher Usmonov 18 may kuni Navalniyga videomurojaatini o‘zining yutub kanaliga qo‘ydi. «Sen filga qarab akillayotgan ko‘ppakka o‘xshaysan. Tuf senga, ...
28 noyabr 2022
2014 yilning dekabrida Jinoyat ishlari bo‘yicha Yakkasaroy tumani sudi O‘zbekiston davlat san'at muzeyi bosh muhofizi Mirfayz Usmonovni 9 yilu ...
8 fevral 2019
Burgut tog‘ning tepasidagi cho‘qqida qimirlamay o‘tirardi. Quyon bo‘lsa pastdagi adiru tepaliklarda yugurgani yugurgan edi. Bir kuni quyon burgutga qarab: ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...