Asosiy mavzular
18 fevral 2017

Oylik kamligidan xorijga qochayotgan ayollar

«Oila va jamiyat» gazetasi (15.02) bugun o‘zbek jamiyatining og‘riqli nuqtasi – ayollarning xorijga chiqib ketayotgani masalasiga bag‘ishlangan maqola chop etdi.

Maqola xorijga chiqib, tahqirlangan, ayanchli bir ahvolda yurtiga qaytgan ayrim ayollarning hikoyalari bilan boshlanadi. Ularning achchiq taqdiri tilga olinadi. Ayollar migratsiyasi bilan bog‘liq ba'zi raqamlar tilga olinadi.

Xususan, Toshkentning Bektemir tumani ko‘p tarmoqli poliklinikasi mudirining aytishicha, o‘tgan yili bu yerda tashqi migratsiyadan qaytgan xotin-qizlarning 289 nafari tibbiy ko‘rikdan o‘tkazilgan. Ularning ikkitasida OITS aniqlangan.

Mazkur tuman bandlikka ko‘maklashish markazi vakili esa xorijdan qaytgan xotin-qizlarning ba'zilari 500-600 ming so‘m maosh uchun ishlashni xohlamasligidan yozg‘irgan.

«O‘tgan yili xorijdan qaytgan bir qizni o‘quv markazi orqali qayta kasbga tayyorlab, ishga joylashtirdik. Ammo uni maoshi qoniqtirmay, yana Turkiyaga ketib qoldi», deydi markaz vakili.

Maqolada o‘zbekistonliklarning, xususan, xotin-qizlarning xorijga chiqib ketayotgani asl sabablari ochib berilmagan bo‘lsa-da, ularni yurtda qolishga da'vat etuvchi «aqlli maslahatlar» qop-qop.

«Bir burda nonni oilasi bag‘rida, xotirjam yeyishdan ko‘ra ko‘proq xorijni orzu qilayotgan ayollar haqida nima deyish mumkin?» deya savol tashlanadi maqola so‘nggida.

«Inson bir marta dunyoga keladi. Yaxshi, erkin va ozod yashashni, huquqlari himoya qilingan bo‘lishini istaydi. Bunday sharoit bo‘lmagan davlatdan esa ko‘pchilik qochishga harakat qiladi», deganga o‘xshash «buzg‘unchi gaplar»ni esa maqoladan topa olmaysiz.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
5 yanvar 2016
Elsevar taxallusi bilan ijod qilishni ma'qul ko‘rgan bu rassom yigit 34 yoshda. Buxoroda yashab ijod qiladi. Eltuzning shtatli rassomi ...
30 yanvar 2017
So‘nggi vaqtlarda tovuq boqishni O‘zbekistonda milliy harakat darajasiga chiqarishga qaratilgan intilishlar davom etmoqda. Qaysi gazetani varaqlamang, albatta, tovuq boqish ...
17 oktyabr 2019
O‘zbekiston siyosiy, ijtimoiy, iqtisodiy va madaniy hayoti yangiliklarini yoritib kelayotgan togri.uz sayti faoliyati 14 oktyabrda to‘xtatildi. Sayt muharriri Xurshid ...
17 fevral 2016
Bundan ilgari Kaniza (Ahmedova Shahrizoda Farhodovna) o‘zining Porsche Cayenne mashinasining oynasi sindirilgani, qimmatbaho 12000 dollarlik Vertu mobil telefoni o‘g‘irlanganidan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...