Asosiy mavzular
2 mart 2017

Karimovning jiyani ruhiy kasalxonadan chiqarildi

1 mart kuni jurnalist Jamshid Karimov ruxiy hastaxonadan ozod qilindi.

49 yashar Jamshid o‘tgan yili o‘lgan O‘zbekiston prezidenti Islom Karimovning jiyani bo‘ladi.

Jamshid Karimovning ruhiy kasalxonadan chiqarilganini YeXXTning so‘z erkinligi bo‘yicha vakili Dunya Miyatovich ma'lum qildi.

Jamshid Karimov 2005 yil sentyabrida hibsga olingan va keyinroq mahkama unga nisbatan olti oylik majburiy muolaja haqida qaror chiqargandi.

2011 yili qisqa muddatga kasalxonadan chiqarilgan Karimov sal o‘tmay yana yopiq palataga hibs qilindi.

Jurnalistning marhum onasi Margarita Karimova o‘g‘lining hibsga olinishidan bir necha kun avval ularning uyi MXX tomonidane kuzatilayotganini bildirgan edi.
Bungacha Jamshid Karimov internetda mahalliy va markaziy hokimiyat mansabdorlarini tanqid qiluvchi qator maqolalar e'lon qilgan.

Jamshid Karimov, Jizzax shahrida tug‘ilib o‘sgan, 2000 yillar boshidan xalqaro ommaviy axborot vositalari, xususan, IWPR, “Farg‘ona.Ru” agentligi, O‘zbekistonning “Arena” veb-sayti bilan hamkorlik qilgan.

Mahalliy rasmiylarning noqonuniy faoliyati bo‘yicha jurnalistik tekshiruvlari bilan tanilgan. Tsenzuraga, barcha darajadagi avtoritarizmga qarshi chiqishlar qilgan.

2004 yildan boshlab Jamshid Karimov noma'lum kimsalar hujumiga duch kelib, bir necha bor qattiq kaltaklangan edi.

Jamshid Karimov ilk bor ruhiy shifoxonaga 2006 yil sentyabrida majburan yotqizilgan.

Bu ish Jizzax shahar sudining yashirincha qarori bilan amalga oshirildi. Bu haqda hatto uning oila a'zolariga ham xabar qilinmagan.

Jamshidning do‘stlari va hamkasblari uni ruhiy kasalxonada saqlanishini jazo alomati deya xisoblashadi.

Ular xalqaro tashkilotlarni Jamshid Karimov taqdiri bilan qiziqib ko‘rishga, hamda O‘zbekiston rasmiylaridan jurnalistni zudlik bilan ozod etishga chaqirishni so‘rab kelishadi.

Inson huquqlari himoyachisi Umida Niyozovaga ko‘ra, Jamshid Karimovning taqdiri o‘tgan yili o‘lgan Islom Karimov tuzumining o‘zgacha fikrga naqadar toqatsizligining yorqin misolidir.

O‘tgan hafta dunyoda eng uzoq qamoqda o‘tirgan yagona jurnalist Muhammad Bekjon ham qamoqdan ozod etilgandi.

Eltuz.com

Tag‘in o‘qing
18 sentyabr 2017
Uylandingmi tamom, bir yildan keyin farzand ko‘rmasang «bir balosi bor bularning» kabi tavqi la'natni quchoqlaysan. Mana dopustim, tasavvur qiling ...
22 mart 2016
Gazetada yozilishicha, sex boshlig‘i nashriyotning rangli printerida 30 ta yuz dollarlik kupyura tayyorlagan. Soxta valyutani o‘tkazish uchun o‘ziga ikkita ...
27 sentyabr 2018
«Abdulhamid Cho‘lponni ottirishda faol ishtirok qilgan o‘zbek yozuvchi va shoirlari Abdulla Qahhor, G‘afur G‘ulom va Hamid Olimjon O‘zbekistonda hali ...
26 sentyabr 2015
O‘zbekiston Mehnat vazirligi va Kasaba uyushmalari federatsiyasi tarqatgan, “Paxta – rizq-ro‘zimiz!” sarlavhali varaqada jumladan quyidagi so‘zlar yozilgan. Paxta yig‘im ...
Bloglar
23 may 2022
(Taniqli shoir va siyosatchi Muhammad Solihning “Imperativ” kitobidan 50-qism. Audiokitob matnini muallifning o‘zi o‘qigan) «Sof ...
17 may 2022
(Taniqli shoir va siyosatchi Muhammad Solihning “Imperativ” kitobidan 49-qism. Audiokitob matnini muallifning o‘zi o‘qigan. Davomi ...
11 may 2022
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...