Asosiy mavzular
27 mart 2017

Bahor keldi – Mirziyoevga raxmat

Bahor dunyoning turli nuqtalarida turlicha keladi. Chunki bahorni hamma o‘zgacha talqin qiladi, o‘z bilganigacha ta'riflaydi.

O‘zbekistonning bosma nashrlari ham bu yil mamlakatda bahor o‘zgacha kelganini o‘z ta'rifida o‘zgacha ta'rifladi.

Eyforiya ham o‘zgacha bo‘ldi. O‘zgachaligi shuki, avval bahor marhum prezident nomiga yondosh kelar edi, bu yil yangi prezident nomi bilan yondosh keldi.

Qaysi gazetani qaramang, Navro‘z bayramini olqishlash qatorida yangi prezidentga hamdu sanolar yonma-yon bo‘ldi.

Navro‘zbop maqolalar bilan to‘lgan nashrlar rasmiy materiallarga ham o‘rin berdi. Busiz bo‘lmaydi, albatta. «Xalq uchun kuyib-yonayotganlar»ning ham ishini ko‘rsatish kerak-ku…

Xususan, «XXI asr» gazetasi (23.03) O‘zLiDePning «bayram shodiyonalari» qanotida partiya guruhlari faollari ishtirokida kengaytirilgan yig‘ilish o‘tkazgani to‘g‘risida xabar tarqatdi.

«Ochiq-oydin mulohaza yuritilgan», «ishga qat'iy intizom va mas'uliyat bilan yondashish», «bir kuch bo‘lib birlashish» haqida fikr yuritilgan bu yig‘ilishda tilga olingan bir raqam kishini o‘ylantiradi.

Maqolada yozilishicha, o‘tgan yili Farg‘ona viloyatida 2 ming 632 ta tadbirkorlik sub'ekti ro‘yxatdan o‘tgan bo‘lsa, 2 ming 845 nafar tadbirkor o‘z faoliyatini tugatgan.

Avvalgi sharhimizda Surxondaryoning bir tumanida ro‘yxatga olingan fermerlarning 40 foizga yaqini umuman ishlamayotganini yozgandek. Endi esa boshqa bir viloyatda ishlayman degan tadbirkordan ko‘ra o‘z ishini yopganlari soni ko‘proq ekaniga guvoh bo‘lib turibmiz.

Bu nimadan darak beradi? Mazkur raqamlarni ko‘rib, nahotki yangi prezidentning tadbirkorlikni himoya qilish, ularga qayishish harakatlari ish bermayotgan bo‘lsa, degan xayolga kelmaysizmi?
Nega fermerlar ishlashni xohlamayapti? Nega tadbirkorlar o‘z ishini tashlab qochyapti? Bu yangi prezidentga ishonchsizlikmi yoki mamlakatda biznes muhiti yaxshilanish o‘rniga yomonlashayotganidan darakmi? Bunday savollarga kimdan javob olish mumkin?

Afsuski, «intizom va mas'uliyat – muvaffaqiyat omili» ekanini ta'kidlagan gazetada bu savollarga javob yo‘q.

Balki Navro‘z eyforiyasi o‘tganidan so‘ng bu gazeta va boshqa bosma nashrlar birgina viloyatda nega minglab tadbirkor o‘z faoliyatini tugatishga majbur bo‘lgani haqida tahliliy maqola e'lon qilar…

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
25 may 2017
20 may kuni O‘zbekiston telekanalining Tahlilnoma dasturida sovet davri afsonasiga aylantirilgan ayol – Tursunoy Ohunova hayotiga bag‘ishlangan lavhani nimoyish ...
15 yanvar 2019
Nemis shirkatlari Toshkentdagi Xalqaro forumlar saroyi qurilishi uchun o‘n yildan buyon o‘z ish haqlarini kutishmoqda. Germaniya matbuotiga ko‘ra, federal ...
22 mart 2021
O‘zbekistonda strategik ahamiyatdagi yirik korxonalarni oligarxlarning shubhali kompaniyalariga ishonchli boshqaruvga berish amaliyotining misi chiqdi. Hukumat yaqinda ularning biri bilan ...
9 mart 2017
Prezident Mirziyoev 2016 yilning 5 oktyabrida chiqargan farmoni joriy yilning 1 yanvardan boshlab tadbirkorlarga nisbatan rejadan tashqari har qanday ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...