Aqilov kamroq odamni o‘ldirganidan afsus bildirgan

Raxmat Akilov telegram tarmog‘idagi yozuvlari oshkor qilindi. Aqilov doimiy ravishda ijtimoiy tarmoqlarda IShID tarafdorlari yoki a'zolari bilan aloqada bo‘lgan. Shu yozishmalardan bir nechtasi OAV ga chiqarildi.

7 aprel kuni Stokgolm markazida teraktni amalga oshirgan Rahmat Aqilovning rus tilida olib borgan yozishmalaridan ma'lum bo‘lishicha, teraktni amalga oshirish haqida u ochiq muhokama olib borganini kuzatish mumkin.

Shaxsiyda yozgan xatlarida Aqilov bombani qanday tayyorlash kerakligi haqida so‘ragan va bu haqdagi instruktsiya olgan.

«Menda xozir 3 pachka gugurt, 1 banka ATsYeTON, 5 banka zajigalka uchun gaz ballonchasi, 4 ta zajigalka va 500 gr samorezlar bor. Savol, portlatgichni qanday tayyorlash kerak? Ertaga kechqurun olomonning ustiga haydash uchun, katta mashina topmoqchiman» deya yozadi u smslarida.

Bundan tashqari, 7 apreldagi voqeadan so‘ng ham xat yozishga ulgurgan.

U Stokgolm markazida odamlarni bostirishi natijasida, kam halokat bo‘lganidan afsuslanib, „mashina boshqa yoqqa ketib qolgani“ni yozadi.

Gumonlanuvchi Raxmat Aqilovga tegishli bo‘lgan telegram akkauntidagi bu ma'lumotlar, birinchi tergov suroqlaridan so‘ng, yuzaga chiqdi.

Eltuz muxbiri shuningdek Stokgolmda yashaydigan, Raxmat Aqilovni shaxsan taniydigan shaxs bilan telefonda gaplashishga muvaffaq bo‘ldi.

Uning so‘zlariga ko‘ra, Aqilov Rossiyadan kelgan “kavkazliklar” guruhida bo‘lgan.

Shuningdek u Eltuzga anonimlik shartiga ko‘ra, Aqilov va uning sheriklari terroristik guruxlarga moddiy yordam tarzida odamlardan pul yig‘ishganini bildirdi.

Eltuz.com