Asosiy mavzular
21 aprel 2017

Kassa apparatini bank emas, deputat beradimi?

O‘zbek nashrlari barcha savdo sub'ektlarida kassa apparati joriy etilishi haqidagi prezident qarori ijrosi haqida yozarkan, tadbirkorlar va banklar o‘rtasidagi jiddiy muammolarni oshkor qilmoqda.

To‘lov terminallari yetishmasligi bilan bog‘liq muammolar odatdagidek qaysidir partiya yoki bank faoliyatini ko‘klarga ko‘tarish osnosida ko‘zga tashlanadi.

«Banklar tadbirkorlar xizmatida» degan balandparvoz sarlavhali material chop etgan «XXI asr» gazetasi (13.04) O‘zLiDeP deputatlarining joylardagi muammolarni hal etishga yordam ko‘rsatayotganiga bag‘ishlagan maqolasida aslida bunday emas ekanini bildirib qo‘yadi.

O‘zLiDeP deputatlarining bunday faoliyati bilan maqtanishni niyat qilgan gazetaning yozishicha, Samarqandda bir deputat 5-6 ta tadbirkorga «Mikrokreditbank»dan to‘lov terminali apparatlarini olishga ko‘maklashgan.

Gazetadan bu ma'lumotlarni o‘qir ekansiz, haqli savollar paydo bo‘laveradi. Nega banklar tadbirkorlarni to‘lov terminallari bilan ta'minlay olmayapti?
Nega terminal olish deputat aralashgandagina hal bo‘lyapti? Bu yoqda prezident hammani kredit olib, tovuq boqishga chaqirayotgan bir paytda banklar uning topshirig‘ini sabotaj qilyapti?

Bu kabi yana ko‘plab savollar borki, gazetalarning birortasida hatto ularga yaqin keladigan, ozgina bo‘lsa-da, masala mohiyatini ochishga yordam beradigan biror satrni uchratmaysiz.

Xuddi shunday ma'lumotlar «Milliy tiklanish» gazetasida (19.04) ham kattagina joyni egallaydi. Unda ham shu nomdagi partiya deputatlari tadbirkorlarga kredit olish-u, ishga joylashtirishga «katta yordam» berayotgani haqida qator-qator misollar keltiriladi.

Deputatlar banklarning o‘z vazifasini bajarmayotgani muammosini ko‘tarish o‘rniga yana o‘sha ura-urachilik ortidan quvib yurgani g‘alati.

Gazetalar esa bir sahifasida banklarni maqtash bilan ovora bo‘lsa, boshqa sahifasida o‘zlari bilmagan holda mohiyatan bu moliya muassasalari o‘z vazifasini uddalay olmayotganini ko‘rsatuvchi ma'lumotlarni chop etishmoqda.

Nima ham derdik, kurk tovuq go‘ng sochadi, o‘z ketini o‘zi ochadi, deb shuni aytsalar kerak-da.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
11 dekabr 2017
5 dekabrda Amnesty International inson huquqlari tashkiloti huquq himoyachilarining o‘limi va ularning o‘ldirilishi holatlari ko‘payishi tendentsiyasi mavjudligini tasdiqlaydigan hisobotini ...
10 yanvar 2020
Dunyoni kim boshqaradi? Dunyoni siyosat boshqaradi. Siyosat birlamchi va qolgan hamma narsa o‘ninchi. Yurmaydigan mashinaning o‘rindig‘iga yangi charm qoplash bilan ...
25 sentyabr 2017
25 sentyabr kuni «Eltuz» muxbirining Andijondan xabar berishiga ko‘ra, o‘qituvchilarning terimdan qaytarilishi ortidan paxta uchun pul yig‘ib olinmoqda. Andijon ...
16 aprel 2018
Islom Karimov davrining o‘ziga xos ramzlaridan biriga aylangan so‘kong‘ich va urong‘ich hokimlar bugun ham bu maqomini boy bergisi kelmayotganga ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...