Asosiy mavzular
23 may 2019

«Avtotest» rahbari parlament tasdiqlagan qonunni qanday o‘zgartirdi?

2019 yilning 3 mayida prezident imzolagan va matbuotda e'lon qilingan qonunda O‘zbekistondagi barcha haydovchilar malaka oshirish sertifikati olishi kerakligi yoziladi.

Prezident imzolagan rasmiy matnda malaka oshirish sertifikati yana barcha yuridik shaxslarga taalluqli ekanini ko‘rish mumkin.

Joriy yilning 28 fevralida senatorlar tasdiqlagan qonun loyihasida ham malaka oshirish sertifikati barcha yuridik shaxslarga emas, balki faqat yo‘lovchi va yuk tashish bilan shug‘ullanadigan haydovchilarga taalluqli ekani belgilangan.

Demak parlamentdan prezidentga olib borilayotgan paytda qonun loyihasini kimdir o‘zboshimcha o‘zgartiririb qo‘ygan.

Hujjatlarni qalbakilashtirish deya ataladi bu jinoyat qonunchilikda. Birgina jumla – «yo‘lovchi va yuk tashuvchilar” o‘rniga “barcha yuridik shaxslarga taalluqli” degan yozuv o‘zgartirilgan.

Bu degani sertifikat beradigan idoraning mijozlari 33 millionlik O‘zbekistonning barcha haydovchilari deganidir. Sertifikat beradigan shirkat uchun bu osmondan chalpak yoqqanday gap.

Qanday qilib Oliy Majlis kitobcha shaklida chop etgan qonun matni prezident imzolagan qonun matnidan farqli bo‘lishi mumkin? Demak kimdir o‘z manfaati yo‘lida qonun loyihasini o‘zgartirib prezidentga taqdim qilgan.

Kitobiy qahramon, afsonaviy izquvar Sherlok Xolms o‘z izlanishini «Bundan kimga foyda?» degan liniyada olib borganini kitobxon o‘laroq bilamiz.

Qarorga o‘zgartirish kiritishdan manfaatdor bo‘lgan idora – bu o‘sha sertifikat beradigan shirkat.

Bu yagona monopolistik shirkatning oti «Avtotest-Report» MChJ.

Bu shirkat ertaklarda aytilgan kabi “laylakvoyniki” emas. Uning egasi shaxsan prezidentning endilikda sobiq matbuot kotibi, ayni paytda esa prezident maslahatchisining birinchi o‘rinbosari maqomida Axborot va ommaviy kommunikatsiyalar agentligini boshqarayotgan Komil Allamjonovdir.

2014 yilda kompaniya ochilganidan so‘ng Komil Allamjonov “Forbs” jurnalisti Maykl Runiga bergan intervyusida bu haqda faxr bilan aytib o‘tgan.

Allamjonov bugun o‘zini O‘zbekiston matbuoti xo‘jayini deb biladi.

O‘zbekistonda haydovchilarning faqatgina “Avtotest” MChJga qarashli kurslardagina malakasini oshirishga yo‘l ochib beruvchi qonun tanqid qilingan maqolalarning Uza.uz, Kun.uz, Minbar.uz saytlaridan 7 may kuni olib tashlattirilishi “Komiljonning ishi” ekani aytiladi.

Ammo «Avtotest» monopoliyasi va “yo‘lda o‘zgartirilgan“ qonun haqida «Ozodlik» va «Eltuz» nashrlari yozishda davom etdi.


Eltuz.com

Tag‘in o‘qing
26 may 2020
Sazoyi Tong otdi. Tiniqib uxlagan Absattor qo‘lini cho‘zib, yonini paypaslab Madinani qidirdi. Madina oshxonada pishir-kuydir qilib yurardi. Asakalik tog‘a ...
20 aprel 2023
Salom qadrli muhlislar. Eltuz portaliga kelgan navbatdagi 5 ta shikoyatni o‘qib eshittiramiz. Maktublar Qashqadaryoning Qarshi, Koson, Samarqand viloyatining Qo‘shrabo ...
14 fevral 2019
O‘zbekiston-Germaniya inson huquqlari forumi O‘zbekistondagi davlat xizmatchilarining majburiy mehnati haqidagi navbatdagi hisobotini e'lon qildi. “Biz, byudjet xodimlari qilmagan ish ...
1 noyabr 2015
Qudrat Bobojon Eltuz.com Jurnalist Maloxat Eshonqulovaning faoliyati tufayli endi uning bo‘lg‘usi qudalariga bosim ko‘rsatilayotgani haqidagi gaplarni eshitib, har qanday ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...